Byŭ miesiac maj 5

U paniadziełak, 7 maja, prajšli matčy 9-ha tura čempijanatu Biełarusi pa futbole ŭ vyšejšaj lizie.

Minskaje «Dynama» (hałoŭny trenier — Alaksandr Siadnioŭ) na svaim poli prajhrała salihorskamu «Šachcioru» — 1:2.

Pryčym harniaki vyjhravali ŭžo 2:0 na 8-j chvilinie, vysiłkami Mikałaja Januša. Zaŭziataraŭ zaraz cikavić pytańnie, ci budzie adpraŭleny ŭ adstaŭku hałoŭny trenier minčan. Zvyčajna ŭ miesiacy mai staršynia naziralnaj rady kłuba Juryj Čyž adpraŭlaje trenieraŭ u adstaŭku.

Siadnioŭ pryjšoŭ u «Dynama» ŭ listapadzie, źmianiŭšy na hetaj pasadzie Siarhieja Aŭčyńnikava, pryznačanaha hałoŭnym trenieram u mai 2011 hoda. Usiaho sa śniežnia 1999 h. na čale «Dynama» pabyvała dva z pałovaj dziasiatki trenieraŭ.

BATE pieramahło na svaim poli «Naftan» — 3:0 (Mazaleŭski, 21, Baha, 31, Kancavy, 41). Dźmitryj Mazaleŭski zabiŭ siomy miač i praciahvaje ŭznačalvać bambardzirskuju honku.

Z takim ža likam «Biełšyna» vyjhrała ŭ Słavii — 3:0 (Hardziajčuk, 43, Bliźniuk, 79, Kabanaŭ, 90).

«Brest» — «Homiel» — 0:1 (Aleksijevič, 33), «Nioman» — «Tarpieda» — 1:1 (Kavalonak, 29, Čaladzinski, 82).

Stanovišča kamandaŭ: BATE — 21 (8 hulniaŭ), Homiel — 20 (8), Šachcior — 16 (9), Dynama Minsk — 12 (8), Biełšyna — 11 (9), Minsk — 10 (8), Naftan, Nioman — 8 (8), Brest, Słavija — 7 (8), Tarpieda — 5 (8).

***

Matčy 10-ha tura projduć 12 maja. Hvozd tura: «Homiel» — BATE.

nn.by

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH