Upieršyniu vykanaŭcy ź Biełarusi atrymali mahčymaść padać zajavy na ŭdzieł u štohadovym śviacie, što pravodzicca ŭ Vilni. U Dzień vuličnaj muzyki ŭvieś centr horada pieraŭtvarajecca ŭ vializnuju muzyčnuju placoŭku. Paŭdzielničać u im vykazali žadańnie 17 hurtoŭ ź Biełarusi.
«My vielmi rady, što stolki vykanaŭcaŭ adhuknulisia na našu inicyjatyvu dadać biełaruskaha kałarytu ŭ hetaje muzyčnaje śviata», — kaža Kirył Atamančyk, kiraŭnik moładzievaj asacyjacyi StudAlliance. Hetaja arhanizacyja vystupiła inicyjataram udziełu muzykaŭ ź Biełarusi ŭ Dni vuličnaj muzyki ŭ Vilni i praz partał Tuzin.FM abvieściła pra pryjom zajavaŭ ad ajčynnych vykanaŭcaŭ.
«My atrymali 17 zajavaŭ ad hurtoŭ i vykanaŭcaŭ. Ahułam heta kala 70 čałaviek, jakija paŭdzielničajuć u śviacie ź biełaruskaha boku.Heta vielmi dobry pakaźnik, uličvajučy, što čas na padrychtoŭku byŭ vielmi abmiežavany», — zaznačaje Kirył i dziakuje razam z tym Ministerstvu zamiežnych spravaŭ Litvy i dypłamatyčnym pradstaŭnictvam hetaj krainy, jakija aktyŭna spryjajuć mižkulturnamu dyjałohu Litvy i Biełarusi.
Siarod tych, chto voźmie ŭdzieł u śviacie 19 maja ź biełaruskaha boku — rok- i fołk-vykanaŭcy, bubnačy, fajer-šoŭ kalektyŭ i navat teatr. Z hurtoŭ u Vilni vystupiać «Da!Bł…», Blakitna Band, «Mamkiny busy», B.M.O.dy inšyja kamandy. Jość spadziavańni, što ŭsie tyja, chto zajaviŭsia, svaječasova atrymajuć vizy. Pra heta ciapier kłapociacca arhanizatary śviata. Jany, darečy, rajać usim biełarusam, chto maje vizy, abaviazkova naviedać u hety dzień Vilniu, dzie ich čakaje jašče niamała siurpryzaŭ.
0
0
0
0
0
0
