«U suviazi z kryzisam tradycyjnaha krajaznaŭstva, jakoje źviałosia da pierapisvańnia daŭno viadomych ź litaratury źviestak… paŭstaje nieabchodnaść daśledavańnia miascovaj historyi z aporaj na pieršakrynicy i vykarystańniem navukovaha aparatu i padychodaŭ. Taki napramak, usio bolš papularny ŭ apošni čas, vyznačajecca jak «łakalnaja historyja», — piša
U pieršym vypusku vydańnia, bolšaść materyjałaŭ pryśviečana historyi Novaha času. Terytaryjalna histaryčnyja artykuły i apublikavanyja archiŭnyja krynicy adnosiacca da historyi Staŭbcoŭščyny.
Redakcyja zaachvočvaje taksama publikavać materyjały ź inšych rehijonaŭ Paniamońnia — Karelickaha, Uździenskaha, Dziaržynskaha, Vałožynskaha ź Iviancom i častkova navahrudskaha ź Lubčaj rajonaŭ.
Historyk Andrej Łatuškin u svaim artykule vyznačaje dakładnuju datu zasnavańnia Stoŭbcaŭ,
Dźmitryj Kryvašejeŭ piša pra toje, jak Radziviły haspadaryli ŭ Nalibockaj puščy,Siarhiej Hruntoŭ apisvaje katalickija mohiłki miastečka Novy Śvieržań, dajučy fota najcikaviejšych nadmahillaŭ i śpis vybranych epitafij, a Źmicier Vićko i Janina Puškina daśledujuć mikratapanimiku vioski Ataleź i vakolicaŭ.
Drukujecca šerah cikavych archiŭnych dakumientaŭ — pierapiska Radziviłaŭ časoŭ Vialikaj Paŭnočnaj vajny, revizija puščaŭ, halereja starych fota Stoŭbcaŭ.
Almanach vyjšaŭ nakładam 299 asobnikaŭ, jon jość u kniharniach i ŭ niezaležnych raspaŭsiudnikaŭ.
Zacikaŭlenym historyjaj Staŭbcoŭščyny varta parupicca, kab zdabyć jaho.
