Jak troje biełarusaŭ rasijskija «Kryły» vyratavali

Siońnia zavieršyŭsia čempijanat Rasii pa futbole, jaki pierajšoŭ na sistemu vosień-viasna. Čempijonstva jašče raniej harantavaŭ sabie «Zienit». «Spartak» Maskva zavajavaŭ srebra, CSKA — treci.

Uvaha biełaruskich zaŭziataraŭ była pryciahnutaja da hrupy kamandaŭ z 9-ha pa 16-miesca. Tak, za samarskija «Kryły Savietaŭ» vystupaje ažno piaciora našych suajčyńnikaŭ,

a sama kamanda zmahałasia za toje, kab zastacca ŭ vyšejšaj lizie. Siońnia «Kryły» hulali z «Cierakam».

Ničyja harantavała im prapisku ŭ elicie rasijskaha futbołu, paraza mahła adpravić u matčy za vyžyvańnie (kab «Rastoŭ» vyjhraŭ u «Tomi»).

«Cierak» pieršym zabiŭ, užo na 2-j chvilinie.

Ale praz 11 chvilinaŭ Alaksandr Hleb addaŭ halavy pas inšamu biełarusu — Siarhieju Karnilenku: 1:1, i «Kryłam» nie treba hulać pierachodnyja matčy (kłub finišavaŭ 12-m).

Bramu «Kryłaŭ» baraniŭ Siarhiej Vieramko. Dźmitryj Vierchaŭcoŭ traŭmavany, a Dźmitryj Mołaš znachodziŭsia ŭ zapasie.

nn.by

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH