ZAHS Maskoŭskaha rajona Minska ŭ pierśpiektyvie źmienić prapisku. Jak raskazała načalnica ZAHS Natalla Filimonava,
na praśpiekcie Dziaržynskaha kala kompleksu «Tytan» pačałosia budaŭnictva novaha budynka ZAHSa.U im budzie dźvie prastornyja zały ŭračystaj rehistracyi, choły ź zimovym sadam, haścinyja dla maładych, harderob, sanvuzły, u tym liku dla ludziej z abmiežavanymi mahčymaściami. U pracoŭnaj zonie raźmieściacca kabiniety śpiecyjalistaŭ i archiŭ. Ahulnaja płošča budynka składzie 1.000 kv. m. Praduhledžana i vialikaja aŭtastajanka.
«Pobač z ZAHSam budzie skvier z vodnaj krynicaj, dzie možna pravodzić vyjaznuju rehistracyju šlubaŭ, ładzić viasielnyja fotasiesii, — adznačyła Natalla Filimonava. — Niepadalok budujecca carkva, tak što maładym tut budzie vielmi zručna».
Płanujecca, što ŭźviadzieńnie zahsa zaviaršycca ŭ 2013 hodzie.
Pakul što ZAHS Maskoŭskaha rajona znachodzicca na vulicy Leninhradskaj, kala Płoščy Niezaležnaści i BDU. Miesca ličycca adnym z samych prestyžnych u Minsku.
0
0
0
0
0
0
