20 traŭnia ŭ miežach prajekta «12 Unplugged» adbudziecca doŭhačakany sumiesny kancert hurtoŭ Guda i «Staroha Olsy»
Da hetaha vystupu Guda padrychtavali sapraŭdny siurpryz.
Hurt upieršyniu ŭ svajoj historyi pradstavić elektryčnuju prahramu z rok-składam. Jana stvoranaja razam z muzykami z hotyk-mietał kamandy Volk.Udzielnica hurta Viktoryja Michno raskazvaje, jak jany da pryjšli da takoha farmatu: «Bolš za 10 hadoŭ Guda vypracoŭvała svaju estetyku śpievu akapeła na padstavie najlepšych uzoraŭ biełaruskaha falkłoru. Jašče 10 hadoŭ my šukali sposaby, jakimi hetuju estetyku možna było b uvieści ŭ kantekst sučasnaj muzyki. Našy ekśpierymienty byli zaŭždy śmiełymi. My vypracoŭvajem svaju muzyčnuju stylistyku i majem svajo bačańnie falkłoru, jakoje raspaŭsiudžvajecca i na dalokaje minułaje i siońnia».
Jak i dla «hudaŭ», dla «Staroha Olsy» heta budzie pieršy vystup u kłubie «Hrafici». Muzyki ŭspryniali ideju prajekta «12 Unplugged» litaralna i vyrašyli naohuł nie vykarystoŭvać elektryčnaść. Lidar kamandy Źmicier Sasnoŭski kaža, što takim čynam słuchačy atrymajuć mahčymaść pačuć sapraŭdny «žyvy» bałans staradaŭnich instrumientaŭ.
«Spałučeńnie cichaj lutni i hučnaj dudy, ramantyčnaj flejty i ahresiŭnych barabanaŭ, vysakarodnaha rebieka i praniźlivaha šałmieja stvorać svojeasablivy charaktar i dazvolać pieranieścisia ŭ časie», —upeŭniena zaŭvažaje Źmicier. «Olsy» płanujuć vystupać poŭnym składam dy zajhrać prahramu sa svaich najlepšych tvoraŭ.
Padčas vystupaŭ hledačy zmohuć zadać pytańni muzykam.
Vieści imprezu pa tradycyi budzie Aleh Chamienka, muzyka i niaźmienny viadoŭca radyjoviersii chit-paradu «Tuzin Hitoŭ».Da ŭsiaho, naviedniki kancertu majuć šaniec atrymać pryzy ad siabroŭ «Tuzina Hitoŭ» — kampanii «Budźma biełarusami!».
Kancert pačniecca a 19-j 20 traŭnia (niadziela) u minskim kłubie «Hrafici» (zav. Kalinina, 16). Košt kvitka — 60 000 rub. Nabyć kvitki možna ŭ kłubie zahadzia z 12:00 da 23:00 štodnia, akramia suboty i niadzieli. Infalinija: (029) 638-44-44, (033) 638-44-44, skype, google: Diskoteq, ICQ: 531-07-353.
