U rasiejskim Prymorji skanali try miascovyja žychary, jakija manilisia ŭ zakład vypić čym bolej harełki.
Jak raskazali ŭ AUS Pahraničnaha rajonu, dva žychary siała Pahraničnaje i dva žychary siała Sofje-Alaksiejeŭskaje pajšli ŭ zakład, chto ź ich bolej vypje. Na kon pastavili krychu bolš za 2 tysiačy rasiejskich rubloŭ (heta kala 75 dalaraŭ). Kankursantaŭ padbadziorvali miascovyja zaŭziatary. Spustošyŭšy 15 plašak sarakahradusnaj, ni razu nie zakusiŭšy, kampanija z čatyroch siabrukoŭ «adklučyłasia».
Bryhada chutkaje dapamohi kanstatavała śmierć troch supiarečnikaŭ 1977, 1975 i 1972 hadoŭ narodzinaŭ i paviezła ratavać jašče adnaho niebaraku 1982 hodu narodzinaŭ, jaki jašče byŭ žyvy.
Śledztva doŭžyłasia bolš jak miesiac. Ekspertyza vyznačyła, što alkahol byŭ jakasny. Adnak u kryvi kožnaha z zahibłych utrymańnie etyłavaha śpirtu pieravyšała dapuščalnuju normu ŭ 3-4 razy, što nie pakidała supiarečnikam šancu na vyžyvańnie.
Ilustracyja davno.ru
