Padrychtoŭka da śviata «Kupalle» («Aleksandryja źbiraje siabroŭ») zasłuhoŭvaje stanoŭčaj acenki.
Takoje mierkavańnie vykazaŭ namieśnik prem'jer-ministra Anatol Tozik u ahraharadku Aleksandryja Škłoŭskaha rajona na vyjaznym pasiadžeńni pastajanna dziejučaha arhanizacyjnaha kamiteta pa padrychtoŭcy i praviadzieńniu śviata, paviedamili karespandentu BIEŁTA ŭ pres-słužbie biełaruskaha ŭrada.
Na pasiadžeńni byli razhledžany pradstaŭlenyja prajekty scenaryjaŭ i prahram asnoŭnych mierapryjemstvaŭ, prapanovy pa mastackamu afarmleńniu sceničnych i inšych placovak
(punktaŭ handlu, vystavačnych paviljonaŭ), uzory łahatypaŭ,
rekłamna-infarmacyjnaj i suvienirnaj pradukcyi. U cełym chod padrychtoŭki śviata «Kupalle» acenieny stanoŭča, pa asobnych pytańniach dadzieny dadatkovyja daručeńni.
Startam śviata, jakoje projdzie 6–7 lipienia, stanie adkryćcio vystaŭki-kirmašu narodnych ramiostvaŭ «Kupalski karahod». U joj prymuć udzieł majstry prydniaproŭskich abłaściej Biełarusi, a taksama hości z Rasii i Ukrainy.
Na mierapryjemstvie buduć pracavać mabilnyja tvorčyja hrupy, jakija stvarajuć kirmašovuju atmaśfieru (skamarochi, łatočniki, vandroŭnyja muzykanty i inš.)
.
Kulminacyjaj śviata stanie hała-kancert majstroŭ mastactvaŭ Biełarusi, Rasii i Ukrainy «Słavianski karahod na Kupalskim śviacie», jaki pačniecca viečaram 6 lipienia na centralnaj kancertnaj placoŭcy śviata na bierazie Dniapra. Zavieršycca hała-kancert fiejervierkam i łaziernym šou.
U viačernie-načny čas budzie praviedziena abradavaja prahrama «Kupalskaja kazka» z udziełam narodnych i falkłornych kalektyvaŭ, jakaja ŭklučaje ŭ siabie tradycyjnaje kupalskaje vohnišča i ahniavoje šou na akvatoryi Dniapra.
Pradoŭžycca śviata 7 lipienia — centralnaja kancertnaja placoŭka budzie zadziejničana na praciahu ŭsiaho dnia. Tut projdzie kancert łaŭreataŭ Mižnarodnaha fiestyvalu dziciačaj tvorčaści «Załataja pčołka». A viečaram płanujecca kancert amatarskich kalektyvaŭ Mahiloŭskaj vobłaści i haściej śviata «Kupalski karahod siabroŭ», a taksama kancert artystaŭ estrady.
BiełTA
Chočaš padzialicca važnaj infarmacyjaj ananimna i kanfidencyjna?
Pišycie redaktaru «Našaj Nivy» ŭ TH
