Sprava pa fakcie razbojnaha napadu na padstavie častki 2 artykuła 207 Kryminalnaha kodeksa raspačata ŭ Smalavickim rajonie Minskaj vobłaści.
Jak paviedamili ŭ adździaleńni infarmacyi i hramadskich suviaziaŭ UUS Minabłvykankama, 27 maja ŭ 22.05 u milicyju źviarnuŭsia 26-hadovy indyvidualny pradprymalnik, žychar Žodzina. Jon raskazaŭ, što byŭ abrabavany na aŭtadarozie Brest — Minsk — miaža RF pablizu Smalavičaŭ.
Prykładna ŭ 22.00 troje nieviadomych padčas pieradprodažnaha ahladu matacykła paciarpiełaha «Jamacha-YZF R6», koštam 5.700 dołaraŭ ZŠA, prymianiŭšy bałončyk sa ślazistym hazam, zavałodali transpartnym srodkam. Paśla hetaha dvoje sa złačyncaŭ źjechali na aŭtamašynie «Nisan-Prymiera» hrafitavaha koleru, biez rehistracyjnych numaroŭ, a treci — na ŭkradzienym matacykle. Złačyncy pakul nie znojdzieny.
Viačasłaŭ Budkievič, BiełaPAN
Chočaš padzialicca važnaj infarmacyjaj ananimna i kanfidencyjna?
Pišycie redaktaru «Našaj Nivy» ŭ TH
