Kamsamolskaje voziera — heta vam park, a nie zona masavaha adpačynku 8
Napeŭna, nie zusim prystojna raspranacca i zaharać u haradskim parku», miarkuje čynoŭnica.
Usie plažy biełaruskaj stalicy zamacavanyja za administracyjnymi rajonami, nahadała 28 maja na pres-kanfierencyi ŭ Minsku načalnik adździeła ŭtrymańnia i dobraŭparadkavańnia abjektaŭ zialonaj haspadarki UP «Minskzielenbud» Anžalika Puzankova. Pavodle jaje słoŭ, usie haradskija plažy pryviedzieny ŭ naležny sanitarny stan — adramantavana i pafarbavana abstalavańnie, abuładkavany dziciačyja sportplacoŭki — i 25 maja pryniaty kamisijaj da ekspłuatacyi.
Rekanstrujavanyja plažy ŭ Drazdach, zaviaršajucca raboty na Cnianskim vadaschoviščy. U toj ža čas, adznačyła Puzankova, vielmi šmat pastupaje pytańniaŭ nakont Kamsamolskaha voziera. «Tam niama aficyjnaj zony adpačynku, — patłumačyła jana, — heta terytoryja parku Pieramohi, dzie jość raździaleńnie na „cichuju“ zonu, spartyŭnuju, jość tam i zona rekreacyi kala vady. Ale jana nie źjaŭlajecca zonaj masavaha adpačynku — napeŭna, nie zusim prystojna raspranacca i kłaścisia zaharać u haradskim parku».