Staličny prahramist: kožny miesiac ja traču 800 dalaraŭ na zabavy, a 400 addaju mamie vy vierycie ŭ heta? 87

Sumarny miesiačny dachod składaje kala 30 młn biełaruskich rubloŭ.

Pracuju ja ŭ adnoj sa šmatlikich ciapier IT-kampanij słaŭnaha horada-hieroja Minska.

Pracuju daŭno i plonna, zarpłata maja ŭ kampanii składaje $2,8 tys. u miesiac. Vopyt pracy ŭ IT — kala 5 hadoŭ, paśpieŭ papracavać jak u bujnych, tak i nie vielmi firmach.

Što mahu skazać z nahody apłaty svajoj pracy?

U IT-śfiery nie pryniata raskazvać pra svaje dachody,

tamu kankretnyja ličby viedajuć tolki maje rodnyja i samyja blizkija siabry. Siarod maich dobrych siabroŭ, ź jakimi ja razam vučyŭsia ŭ BDUIR, hetaja ličba nie vyklikaje nijakaha ździŭleńnia.

Usie my pracujem u roznych firmach, va ŭsich dośvied pracy prykładna adnolkavy i zarpłata taksama prykładna adnolkavaja — ad 2 da 3 tys. dalaraŭ.

Darečy, bačyŭ u kamientarach da ŭmovaŭ konkursu niešta pra padatkovuju. U mianie, maich kaleh i ŭsich maich siabroŭ ź śfiery IT zarpłaty biełyja, usio aficyjna, z vypłačanymi padatkami. Tak što splu spakojna.

Ja čałaviek vielmi lanivy, ale tym nie mienš, prychodziačy ŭviečary dadomu, ja sadžusia za svaju druhuju pracu.

Heta dystancyjny fryłans na zamiežnuju kampaniju, pracuju z hetym tavaryšam davoli daŭno, tamu ŭ mianie volny hrafik, tolki cikavyja zadačy i, viadoma, hodnaja apłata. Tut usio zaležyć ad taho, kolki ja budu pracavać, ale ja zvyčajna addaju fryłansu 5–15 hadzin u tydzień — u miesiac atrymlivajecca $600–900 bonusa da asnoŭnaj zarpłaty.

Hetyja hrošy ŭ RB ja tracić, viadoma, nie mahu.

Jany pacichu kapajuć na maju kartku, daŭnym-daŭno emitavanuju za miežami RB, možna karystacca pry pajezdkach za miažu, ale ja imi naohuł nie karystajusia — svojeasablivaja aščadkasa, na čorny dzień spatrebiacca adnojčy.

Dziaŭčyny ŭ mianie niama, tamu asnoŭny artykuł vydatkaŭ bolšaści mužykoŭ Biełarusi ŭ mianie adsutničaje.

Ale było b nierazumna marnavać maładość na adnu tolki pracu, tamu ja kirujusia praviłam «chto dobra pracuje, toj dobra adpačyvaje». Ja niezdarma pačaŭ mienavita z hetaha punkta, a nie ź niejkich bytavych momantaŭ. Artykuł vydatkaŭ na zabavy — samy surjozny ŭ maim biudžecie.

Takim čynam, pierš za ŭsio treba, viadoma, trymać siabie ŭ dobraj formie. Tamu

ja rehularna naviedvaju trenažornuju zału ($20 u miesiac, biez treniera, zvyčajnaja mužyckaja kačałka) i lublu pastralać z łuka ŭ jakaści chobi ($20 u miesiac).

Što za žyćcio ŭ ofisnaha płanktonu nakštałt mianie, kali nie ładzić sabie čas ad času tak zvanyja «chard-riesety»? Pjanki na ofisie, pasiadzieć u bary ź siabrami, schadzić u kłub patusavacca — maleńkija radaści šarahovaha prahramista. Varta adznačyć, što na pracy ŭ nas pić nielha, bo nadta ŭžo strohi načalnik, staroj zahartoŭki mužyk. Ale hetaja zabarona časam parušajecca, choć u asnoŭnym starajusia hulać pa-za pracaj. Siaredniaja kolkaść viasiołych viečaroŭ — 3–5 u miesiac. Lublu schadzić u «Medysan» abo «Dozary», pachod u kłub zvyčajna kaštuje mnie $100.

Taksama varta asobna viarnucca da prablemy słabaha połu ŭ žyćci sučasnaha mužčyny. Prostaja prapanova pasiadzieć papić kavy z torcikam vystrelvaje minimum u $20 pa ciapierašnich cenach. Z asabistaha dośviedu mahu skazać, što dziaŭčaty siońnia z pretenzijami. Navat studentka pieršych kursaŭ z pravincyi ŭžo, byvaje, paśpiavaje ŭciahnucca ŭ pryhožaje staličnaje žyćcio, tamu ramantyčnaje pićcio kavy ŭ makdaku pad miesiacam na łavačcy moža i nie zacikavić (čakaju kamientaŭ, jakoje ja čmo).

Toje ž samaje i ŭ kłubie — prychodziš, skažam, u «Dozary», prosta razumnymi razmovami abo cytavańniem Błoka tam nikoha nie začepiš. Asabliva ŭličvajučy, što davodzicca harłać u vucha, kab choć niešta było pačuta. Nie, znoŭ ža, treba pierš za ŭsio pačastavać miłuju surazmoŭnicu. Schadzić u kino — 20 baksaŭ, na kancert — ad 20.

Zaŭvažyŭ za saboj žudasnuju jakaść apošnim časam. Hrošaj davoli šmat, pačynajucca absalutna niepatrebnyja vydatki, marnatraŭnaść.

Zrazumieŭ, što treba z hetym zmahacca. Prykładaŭ pryvodzić nie budu, mahu tolki skazać, što heta niejkaja zrezanaja viersija ŭschodniaha kiču. Tolki jany sabie załatyja «Parše» kuplajuć z bryljantavym rulom niezrazumieła dla čaho, a ja — značna praściej, ale ŭsio roŭna biessensoŭna. Choć na heta taksama možna pahladzieć pa-roznamu. Kali ty znachodziš u sabie siły šmat pracavać i zarablać, to treba i radavać siabie taksama. Inakš nafiha jano ŭsio heta treba? Ale ŭ mieru.

Karaciej, skłaŭšy ŭsie ličby, mahu skazać, što ŭ miesiac na zabavy, adpačynak i chobi idzie kala $700–800.

Možna vynieści padarožžy ŭ asobny punkt.

Lublu hetuju spravu — novyja krainy, najlepšyja siabry pad bokam, mora emocyj i śviežyja siły dla novych ździajśnieńniaŭ. Jezdžu pa dva razy na hod: zimoj i letam. Śniehu nie lublu, bolš padabajecca na soniejku pahrecca. U cełym heta kaštuje kala $2–4 tys. u hod.

Jedziem dalej. Kudy biez mašyny pajedzieš? Usio pravilna, nikudy. Mašynu treba zapraŭlać, čyścić, dahladać i hetak dalej. Usia hetaja luboŭ da svajho žaleznaha kania abychodzicca paradku $100–150. Heta kali nie jeździć pa Biełarusi abo navakollach, a byvaje i takoje. Nu i nie varta zabyvać, što suma hetaja dakładnaja, kali ničoha nie łamajecca. A byvajuć i niepradbačanyja vydatki ad 100 da 1000 jeŭra, choć, pryznacca sumlenna, u mianie takich jašče nie było.

Samaja chvoraja tema dla bolšaści ludziej mianie, na ščaście, nie zakranuła. Ja maju na ŭvazie žyllo.

Mnie pašancavała: moj dziadula pracavaŭ dzieści za Urałam, niešta tam z naftaj, jašče za Sajuzam. Tamu adna ź dźviuch jaho kvater pierajšła mnie, u joj ja ciapier i žyvu. Ramont tam zrobleny byŭ daŭnavata, ale mianie ŭsio zadavalniaje, tamu vydatkaŭ na žyllo ja praktyčna nie maju. Kamunalnyja płaciažy — $15 u miesiac.

Vopratka. Nienavidžu šmotki z rynku, asabliva kali na ich napisanyja niezrazumiełyja rečy nakštałt «S-453 DYE», «Cucci Brand High Fashion 2012» abo «D&G Dolores and Gabriel». U toj ža čas hety punkt maich vydatkaŭ taksama adnosna nievialiki — kuplaju rečy ŭ Litvie ci Polščy na rasprodažach paru razoŭ na hod albo ŭ miascovych sekand-chendach (darečy, rekamienduju).

Charčavańnie. Jeści ja lublu, adnaznačna. Abiedaju niepadalok ad ofisa, abiedziennaje mieniu — 50 tys. za abied, siaredniaja cana. U miesiac vychodzić kala $150. Dadomu zakuplajusia ŭ hipiermarkiecie, raz na tydzień, u piatnicy. U miesiac — $300.

Z dadatkovych vydatkaŭ mahu adznačyć, što častkuu svajho zarobku addaju mamie — zvyčajna $400.

Razam:

zabavy — $800;

mašyna — $150;

ježa — $300;

mamie — $400.

Vychodzić, što traču $1650, choć ličby, viadoma, vielmi prybliznyja. Astatniaje adkładajecca, lažyć da horšych časoŭ.

Navošta ja heta pišu? Čytaŭ u papiarednich artykułach usiu hetuju žoŭć na adras ludziej, jakija šmat zarablajuć. Łaskava prašu, davajcie ŭsie admoŭnyja emocyi ŭ kamientary. Asabliva ździvili pra «ŭ mianie nivodnaha siabra z zarobkam bolš za 300 baksaŭ» abo «300 tysiač u dziaržkantory».

Nu viadoma, kali lažać, jak ahurok na talercy, krucić klučom adnu i tuju ž hajku na adnym i tym ža zavodzie ŭsio žyćcio — tak, budzie 300 tysiač (i to ja niešta sumniajusia).

Kali ja byŭ zusim mały, hadoŭ 15, ja pracavaŭ na składzie padsobnym rabočym, i ŭ mianie ŭžo tady było 250. Jość šmat siabroŭ i znajomych u samych roznych śfierach — ad sielskaj haspadarki da prodažu noŭtbukaŭ. Ludzi pracujuć, zarablajuć nie mienš za mianie. Tamu što jość hałava na plačach, pracavitaść, a hałoŭnaje — žadańnie žyć dobra.

Viedaju, što takoje sałodkaje žyćcio moža ŭ adzin momant skončycca. Razumieju, što ciapier załataja era IT u Biełarusi, i adnojčy jana taksama moža źmianicca zaniapadam. Ale ja starajusia nie siadzieć na miescy, raźvivacca, asvojvać novyja technałohii. Daŭno zrazumieŭ, što spadziavacca ŭ hetaj krainie asabliva niama na kaho, treba samomu krucicca.

Tamu ŭsim udačy i pazityvu.

onliner.by

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH