U staličnym mikrarajonie «Paŭniovy zachad» pačaŭ svoj vychad adnajmienny infarmacyjny biuleteń. Vypusk vydańnia ažyćciaŭlaje hrupa maładych ludziej, jakich abjadnali viasnovyja padziei 2006 hoda. Jak raspaviadajuć zasnavalniki hazetki, «biuleteń staŭ adekvatnym adkazam na niedachop rehularnaj, svabodnaj presy ŭ rajonie».
Šmat uvahi ŭ biuleteni addajecca prablemam, jakija ŭ pieršuju čarhu chvalujuć miascovaje nasielnictva. Tak, naprykład, zakranutaje pytańnie znosa samaj vialikaj aŭtastajanki ŭ hetym mikrarajonie (jak śćviardžajuć, ziamla pojdzie dla budaŭnictva rasiejcami elitnaha žylla). Abmiarkoŭvajecca prablema vodazabieśpiačeńnia, ź jakoj sutyknulisia žychary Paŭniovaha zachada ŭ zimovy peryjad. Taksama zakranutaja tema zachavańnia historyka‑kulturnych kaštoŭnaścioŭ u mikrarajonie, jakija zusim nie dahladajucca j nie achovajucca dziaržavaj.
I tolki potym iduć padziei ahulnanacyjanalnaha ŭzroŭniu. U apošnim numary ŭvaha nasielnictva pryciahvajecca da budaŭnictva ŭ Biełarusi AES. Aŭtary artykuła padkreślivajuć, što avaryja na AES u Čarnobyli kaliści stała niezahojnaj ranaj krainy.
