Za doŭh u 200 tys. rubloŭ ablili bienzinam i padpalili daŭžnika 3

Dva 25-hadovyja dzieciuki pryjšli da 46-hadovaha žychara vioski Sidarovičy Mahiloŭskaha rajona pa hrašovuju pazyku (mužčyna mieŭsia addać im 200 tys. rubloŭ). Kali ž jon admoviŭsia viarnuć hrošy, chłopcy ablili jaho bienzinam i kinuli zapałku. Mužčynu achapiła połymia.

Chłopcy spałochalisia mahčymych nastupstvaŭ, pabiehli ŭ dom pa koŭdru i źbili ahoń.

Paśla hetaha jany zabrali patrebnuju sumu i syšli.

Paciarpieły paklikaŭ na dapamohu susiedziaŭ, tyja vyklikali chutkuju i milicyju.

Vymahalniki zatrymanyja. U dačynieńni da ich Mahiloŭskim rajonnym adździełam Śledčaha kamiteta raspačata kryminalnaja sprava za prymus da vykanańnia abaviazacielstvaŭ. Padazravanym moža pahražać da dziesiaci hadoŭ pazbaŭleńnia voli.

BiełTA

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH