Makiej u Kitai: Łukašenka padpisaŭ ukaz ab industryjalnym parku ŭ Smalavičach 17

Naviedvajučy Kitajskuju Narodnuju Respubliku, kiraŭnik administracyi prezidenta Uładzimir Makiej vykazaŭ spadziavańnie na ŭmacavańnie miždziaržaŭnaha supracoŭnictva ŭ halinie vysokich technałohij.

Pra heta Makiej zajaviŭ na pres-kanfierencyi 5 červienia ŭ pasolstvie Biełarusi ŭ Piekinie. U pryvatnaści, jon paviedamiŭ, što Alaksandr Łukašenka padpisaŭ ukaz ab stvareńni biełaruska-kitajskaha industryjalnaha parka ŭ rajonie Smalavičaŭ, suprać jakoha ŭžo nie adzin miesiac pratestujuć miascovyja dačniki, a taksama aktyvisty kampanii «Havary praŭdu».

Uładzimir Makiej zajaviŭ u Piekinie, što ŭzajemavyhadnaść prajektu industryjalnaha parku vidavočnaja jak dla Biełarusi, tak i dla Kitaja. Pa jaho słovach, realizacyja inicyjatyvy dazvolić Biełarusi pryciahnuć «pieradavyja kitajskija technałohii, inavacyi i vysokatechnałahičnaje abstalavańnie». Siońnia biełaruskaja delehacyja pad kiraŭnictvam Makieja naviedaje Šanchaj i Sučžoŭ, dzie ŭžo funkcyjanuje anałahičny kitajska-sinhapurski industryjalny park.

0

0

0

0

0

0

Radyjo Svaboda

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH