U Hrodnie maładaja žančyna na «Folksvahienie» źbiła bajkiera, paviedamlaje sajt abłasnoha DAI. Jana vyjazdžała z dvarovaj terytoryi i ŭ hety momant adbyłasia sutyknieńnie z «Kavasaki». U matacyklista pierałom levaj klučycy.
Asablivaściu avaryi źjaŭlajucca charaktarystyki ŭdzielnikaŭ zdareńnia. Kiroŭca aŭto dva miesiacy tamu na hod była pazbaŭlenaja pravoŭ za toje, što źbiła piešachoda i źjechała ź miesca DTZ. I tym nie mienš, jana sieła ŭ aŭto cieścia i trapiła ŭ novuju avaryju. Matacyklist, jak padkreślivaje sajt DAI, taksama nie źjaŭlajecca ŭzoram vysokaj kultury na darozie. Raniej jaho 45 razoŭ pryciahvali da adkaznaści za parušeńni praviłaŭ darožnaha ruchu. I ŭ hety raz, jak śviedčać maštaby paškodžańnia matacykła i aŭto, chutkaść ruchu bajka była značna vyšejšaj za dapuščalnuju.
