«Advakaty ŭ Biełarusi poŭnaściu niezaležnyja», — zajaviŭ BiełaPAN staršynia Respublikanskaj kalehii advakataŭ Viktar Čajčyc, kamientujučy situacyju vakoł incydentu z Marynaj Kavaleŭskaj.
6 červienia advakat Kavaleŭskaja, jakaja abaraniała
7 červienia ŭ adździele pa hramadzianstvie i mihracyi pa miescy žycharstva Kavaleŭskaj paviedamili, što vyjezd joj zabaronieny
Maryna Kavaleŭskaja źviazvaje hetu zabaronu sa svajoj prafiesijnaj dziejnaściu i ličyć, što jana «zakranaje honar biełaruskaj advakatury ŭ cełym». Advakat Sańnikava nakiravała staršyniam Minskaj haradskoj i Respublikanskaj kalehij advakataŭ słužbovyja zapiski z patrabavańniem adreahavać na situacyju, zabiaśpiečyć joj bieśpieraškodnaje pieramiaščeńnie i spryjać vyklučeńniu jaje sa śpisu nievyjaznych.
Jak zajaviŭ Viktar Čajčyc, Respublikanskaja kalehija advakataŭ užo raźbirajecca z hetym incydentam i budzie reahavać na jaho paśla taho, jak vyśvietlić pryčynu. «Jak doŭha heta praciahniecca, ja skazać nie mahu», — skazaŭ kiraŭnik kalehii.
Čajčyc taksama prakamientavaŭ siońniašni zvarot «Centra pravavoj transfarmacyi» da śpiecdakładčyka AAN pa pytańniach niezaležnaści sudździaŭ i advakataŭ Habryeły Knaŭl z prośbaj pravieści śpiecyjalnaje rasśledavańnie pa pytańniach niezaležnaści sudździaŭ i advakataŭ i naviedać Minsk.
Kiraŭnik Respublikanskaj kalehii advakataŭ zajaviŭ, što «pryvatny vypadak» z Marynaj Kavaleŭskaj «u lubym vypadku nie stavić pad sumnieńnie» niezaležnaść biełaruskaj advakatury.«Ja nie baču nijakaj nieabchodnaści ŭ tym, što nam pavinien chtości dapamahać», — skazaŭ Čajčyc.
U Minskaj haradskoj kalehii advakataŭ situacyju z Marynaj Kavaleŭskaj BiełaPAN kamientavać admovilisia.
Varta adznačyć, što ŭ 2011–2012 hadach advakackaj licenzii byli pazbaŭlenyja mnohija advakaty, jakija abaraniali fihurantaŭ kryminalnaj spravy ab masavych biesparadkach 19 śniežnia 2010 hoda. Mižnarodnaja supolnaść nieadnarazova reahavała na fakty nacisku na biełaruskich advakataŭ. Tak, Kamitet mižnarodnaha kantrolu za situacyjaj z pravami čałavieka ŭ Biełarusi zajaŭlaŭ: «Nacisk na advakataŭ nie tolki aznačaje zamach na niezaležnaść advakatury, ale i vyklikaje surjoznyja apasieńni nakont uzroŭniu abaronienaści abvinavačanych i padazronych ad katavańniaŭ, žorstkaha i źnievažalnaha abychodžańnia i pakarańnia, jakoje prynižaje čałaviečuju hodnaść».
