Pra siłu ŭdaru možna mierkavać pa paškodžańniach Audi.
Hetaja avaryja zabrała žyćci dvuch čałaviek — mužčyny (1951 h.n.) i žančyny (1955 h.n.). Nakolki viadoma, kiroŭca Audi 100 źbiŭ piešachodaŭ, jakija išli pa krai prajeznaj častki. Pavodle infarmacyi pres-słužby DAI Bresckaj vobłaści, u noč z suboty na niadzielu ŭ v. Novaja Myš ich źbiŭ niećviarozy kiroŭca (1989 h.n.) aŭtamabila Audi 100. Prybor pakazaŭ maksimalnaje značeńnie ŭ 0,8 pramile ałkaholu. Učora źjavilisia fatahrafii ź miesca zdareńnia.
Rehijanalnaja hazieta Intex-Press paviedamiła niekatoryja padrabiaznaści: «Vyjaviłasia, što zahinułaja žančyna pryjechała ź Pinska na 40-hadovuju hadavinu školnaha vypusku. A mužčyna, jaki skončyŭ škołu na niekalki hadoŭ raniej, daviedaŭšysia, što jaho školnaja siabroŭka budzie na viečary, pryjšoŭ z susiedniaj vioski, kab pabačycca ź joj. Pavodle słovaŭ byłych adnakłaśnikaŭ zahinułaj, u toj viečar žančyna i jaje školny siabar syšli ź viečara raniej i hulali pa vioscy».
