«Chju Łory nie kazaŭ: «Ja chaču na liniju Stalina»

Što budzie rabić doktar Chaus u Minsku i što jon naohuł viedaje ab našym horadzie — dahetul zahadka. Alaksandra Ramanava, pijar-mieniedžer minskaha ahienctva Allstars, nie schilnaja raskryvać płany akciora. «Chju Łory nie čytaŭ u Google pra Biełaruś i nie kazaŭ „ia chaču na liniju Stalina“. Jon sam budzie vybirać miesca, a my ŭ svaju čarhu pastarajemsia niešta padkazać i raspavieści, kali ŭ jaho budzie žadańnie, — praciahvaje Alaksandra. — U artysta pavinna zastavacca mahčymaść asabistaha žyćcia. Kab za im nie chadzili natoŭpu fanataŭ».

Viedajučy, što Łory vielmi aściarožny ŭ znosinach z prychilnikami na miescach, zrazumieć kanfidencyjnaść vizitu možna. Tym bolš,

za akcioram u hetym tury płanujuć iści, nastupajučy na piaty, adrazu čatyry fan-kłuby z roznych krain.

Darečy, padčas vystupu ŭ Kijevie, naprykład, za kulisami budzie pierakładčyk, jaki pierakładzie hledačam usio skazanaje Łory na scenie. Cikava, a jak budzie ŭ Minsku?

Zrešty, niekatoryja padrabiaznaści vizitu Chaŭsa viadomyja. Naprykład, za 4 kancerty turu (kancert u Kijevie, u Minsku i dva ŭ Maskvie) Chju Łory zarobić 700 000 dalaraŭ — praktyčna stolki ž, kolki zarabiŭ by za zdymki ŭ dvuch epizodach «Doktara Chaŭsa».

Košty na kvitki ŭ troch haradach tura mocna adroźnivajucca: u Maskvie kvitki ŭ KVC «Sakolniki» kaštujuć ad 1 250 000 da 5 500 000 BYR, u Pałacy «Ukraina» ad 257 000 da 3 000 000. U Minsku samyja darahija kvitki (pieršyja šerahi partera) abyjducca ŭ 1 500 000 BYR. Samyja tannyja kaštavali 350 000, ale byli raskuplenyja jašče sto hadoŭ tamu. Jak kažuć u kasach Pałaca Respubliki, svabodnaj zastajecca mienš za pałovu zały.

Napeŭna,

u adpaviednaści z rajderam, znakamity artyst i ŭ Minsku admovicca ad naviedvańnia restaranaŭ.

Łory hatovy charčavacca zvyčajnaj ježaj, jakuju buduć padavać u haścinicy.

U rajdery muzyki pakazana, što na stale abaviazkova pavinna być narezka z roznych vidaŭ syru, sadavina, čorny šakaład i šmat kańjaku.

Ci paviaduć Łory ŭ «Łakomka» abo «Kryštal», pakul zastajecca zahadkaj.

Citydog.by

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH