Niamihu chočuć uščylnić 16-paviarchovym biznes-centram 7

Biełaruska-iranski bank ZAT «Bank Handlovy Kapitał» płanuje ŭźviadzieńnie bujnoha ofisnaha kompleksu ŭ rajonie płoščy Bahuševiča. Abjekt prajektujecca pamiž muzyčnym teatram, starym domam z čyrvonaj cehły i budynkam «Biełarusbanka». Eskizy apublikavała na svaim sajcie «Tvorčaja majsternia-7».

Jak skazana ŭ apisańni prajekta, abjekt ŭklučaje centr bankaŭskich pasłuh, ofisnyja pamiaškańni, haraž-stajanku, restaran. Budynak 6-16-paviarchovy, ujaŭlaje saboj dva abjomy, złučanyja dvuchpaviarchovaj «bazaj».

— Ciapier usio tolki na stadyi eskiznaj prapracoŭki, — skazaŭ Dźmitryj Mušynski, v.a. staršyni praŭleńnia ZAT «HK Bank». — Vonkavy vyhlad, pavierchavaść, zabiaśpiečanaść parkoŭkami — hetyja i inšyja momanty jašče buduć uzhadniacca ź Minharvykankamam. Prajekt budzie sumiesnym ź inšymi kampanijami. Pakul ža hety ŭčastak ziamli znachodzicca va ŭłasnaści ŭ troch pravaŭładalnikaŭ, siarod jakich naš bank nie ličycca.

Jak płanujecca, u 6-paviarchovym budynku raźmieścicca bank, a ŭ 16-paviarchovym — biznes-centr kłasa A. Abjom inviestycyj stanie viadomy tolki paśla zaćvierdžańnia prajekta.

Na supraćlehłym baku vulicy rychtujecca placoŭka dla budaŭnictva 35-paviarchovaha hatela Perspolis (taksama na srodki iranskaha inviestara), prajekt jakoha sparadziŭ dyskusiju na horadabudaŭničym saviecie. U pryvatnaści, pretenzii ekśpiertaŭ datyčyli afarmleńnia fasada i pavierchavaści. Prajektavany budynak banka taksama budzie dastatkova vysokim. Ci darečny čarhovy «kavałak škła» na Niamizie?

— Niachaj heta vyrašajuć prafiesijnyja architektary, — adkazvaje Dźmitryj Mušynski. — Naša kampietencyja — hrašovyja pytańni.

0

0

0

0

0

0

realt.onliner.by

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH