Biełaruski film «Samotny vostraŭ» trapiŭ na Maskoŭski kinafiestyval

Biełaruski film upieršyniu ad 1985 hoda ŭklučany ŭ asnoŭnuju konkursnuju prahramu 34-ha Maskoŭskaha mižnarodnaha kinafiestyvalu, jaki projdzie ŭ rasijskaj stalicy ad 21 da 30 červienia. Strohi papiaredni

adbor prajšła źniataja na «Biełaruśfilmie» sumiesnaja praca biełaruskich, łatyšskich i estonskich kiniematahrafistaŭ «Samotny vostraŭ».

Apošni raz biełaruski kiniematohraf byŭ pradstaŭleny ŭ asnoŭnym konkursie prestyžnaha fiestyvalu karcinaj Elema Klimava «Idzi i hladzi», jakaja zavajavała ŭ 1985 hodzie hałoŭny pryz.

Film «Samotny vostraŭ» budzie demanstravacca ŭ konkursnaj prahramie Maskoŭskaha kinafiestyvalu 25 červienia. Da hetaha jon užo byŭ pradstaŭleny na zakrytym pakazie padčas Kanskaha kinafiestyvalu, dzie atrymaŭ stanoŭčyja vodhuki krytykaŭ.

Usiaho

ŭ asnoŭny konkurs Maskoŭskaha kinafiestyvalu ŭklučana 17 stužak, stvoranych kiniematahrafistami Kitaja, Vienhryi, Irana, Vialikabrytanii, Italii, Polščy, Irana, Finlandyi

i inšych krain. Rasiju pradstaviać filmy Alaksandra Proškina «Orda» i Renaty Litvinavaj «Apošniaja kazka Ryty». Pa vynikach konkursu buduć uručany pryzy «Śviaty Hieorhij» — za lepšy film, režysuru, žanočuju i mužčynskuju roli, a taksama śpiecyjalny pryz žury.

Akramia asnoŭnaha konkursu ŭ ramkach fiestyvalu projduć konkursy «Pierśpiektyvy», karotkamietražnych i dakumientalnych filmaŭ, a taksama mnostva śpiecyjalnych fiestyvalnych prahram. Usiaho za dziesiać dzion kinaforumu ŭ Maskvie pakažuć niekalki sotniaŭ karcin.

BiełTA

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH