Siońnia ŭ šviejcarskim Ńjonie adbyłosia losavańnie druhoha kvalifikacyjnaha raŭndu Lihi čempijonaŭ. Siarod kamand, što prymuć start na hetym etapie i biełaruski čempijon — barysaŭski BATE.Biełarusy byli ŭ liku siejanych kamand. Heta značyć, što ŭ supierniki traplajuć kamandy, jakija nižej za barysaŭcaŭ u rejtynhu.
U vyniku kankurencyju BATE składzie makiedonski čempijon — «Vardar» sa Skopja.
«Vardar» šaścirazovy čempijon Makiedonii. Adnojčy (1961) kamanda vyjhravała kubak Juhasłavii pa futbole. Taksama kamanda vyjhravała i čempijanat Juhasłavii (1987). Bolš nivodnaja makiedonskaja kamanda padobnym pachvalicca nie moža.Uvohule «Vardar» zasnavany ŭ 1947. Kłub hulaje na šykoŭnaj arenie Nacyjanalny stadyjon Filipa II Makiedonskaha. Umiaščalnaść areny składaje 36 tysiač hledačoŭ.
U jeŭrakubkach «Vardar» zapomniŭsia pieramohaj nad maskoŭskim CSKA ŭ siezonie 2003/2004.
Try hady tamu BATE ŭžo hulaŭ z kamandaj sa Skopje, jakaja nazyvałasia «Makiedonija». Barysaŭcy ŭpeŭniena pieramahli ŭ abiedźviuch sustrečach.Pieršapačatkova pieršy matč projdzie 18 lipienia ŭ Barysavie, 25 lipienia -- u Skopje.
0
0
0
0
0
0