«Mahutny Boža» ŭ Mahilovie 2

«Fiestyval abnoŭleny poŭnaściu. Heta bačna i pa kalektyvach, i pa asobnych udzielnikach», — zajaviła BiełaPAN namieśnik načalnika adździeła kultury Mahiloŭskaha harvykankama Iryna Žabarava. Pavodle jaje słoŭ, arhanizatary fiestyvalu starajucca, kab kožny raz na jaho pryjazdžali ŭsio novyja i novyja vykanaŭcy, adnak niekatoryja kalektyvy, abnaŭlajučy repiertuar, taksama znoŭ stanoviacca jaho ŭdzielnikami.

Sioleta na fiestyvali pakažuć svajo majsterstva 18 charavych kalektyvaŭ. Buduć pradstaŭniki Biełarusi, Rasii, Polščy, Italii, Mieksiki, Vieniesueły.

«My nie adyšli ad tradycyi prymać prychodskija kalektyvy», — padkreślivaje Žabarava, adnak u sioletnim fiestyvali na jaho maładziožnych placoŭkach budzie pradstaŭlena taksama pop-, rok- i fołk-muzyka. «Kali słovy nakiravany na maralnaje abahačeńnie čałavieka, to čamu b i nie», — tłumačyć jana navinu fiestyvalu.

Nietradycyjnym budzie i zaviaršeńnie fiestyvalu, jakim stanie hała-kancert na stadyjonie «Spartak». «Kali raniej byli placoŭki pa 200 čałaviek, 1.000 čałaviek anhažyravanych i padrychtavanych, to tut 4 tysiačy, i pracentaŭ 70 ź ich pryjduć na hety fiestyval upieršyniu. I im treba danieści toje, što duchoŭnaść, kłasika — dastupnyja i cikavyja. Kab jany zapomnili nie tolki łaziernaje šou, ale i zadumalisia nad źmiestam tekstaŭ vykanaŭcaŭ», — skazała čynoŭnica.

Pakolki padčas fiestyvalu «Mahutny Boža» ŭ Mahilovie projdzie Dzień horada (28 červienia), to niekatoryja vystupleńni, u pryvatnaści hurtu «Chor Tureckaha» z Rasii i Pienzienskaha ruskaha narodnaha choru, užo buduć prymierkavany da hetaha śviata.

Akramia taho, uvazie mahilaŭčan i haściej horada arhanizatary fiestyvalu prapanujuć roznyja knižnyja vystavy, kanfierencyi, kancerty. Zavieršycca fiestyval 29 červienia.

0

0

0

0

0

0

Uładzimir Łapcevič, BiełaPAN

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH