Staršynstva ŭ ES pierajšło da Kipra

Ad 1 lipienia kraina stała farmalnym lidaram ES — na bližejšyja paŭhoda.

Staršynstva va ŭmovach kryzisu ŭ jeŭrazonie pierachodzić da dziaržavy, jakaja sama dniami zajaviła, što hatovaja pazyčać u inšych krain ES i ŭ Mižnarodnaha valutnaha fondu. Pavodle acenak ekśpiertaŭ, Kipru nieabchodna kala 10 miljardaŭ jeŭra. Ciapierašnija prablemy ŭ ekanomicy naŭprost źviazanyja z kryzisam u Hrecyi, pieradaje ITAR-TASS.

U pieršym paŭhodździ sioleta abaviazki staršyni Jeŭrasajuza vykonvała Danija.

U pačatku nastupnaha hoda Kipr pieradaść mandat Irłandyi. Admietna, što suprać staršynstva Kipra rezka piarečyła Turcyja, jakaja maje status krainy-kandydata na ŭvachodžańnie ŭ ES. Turcyja — adzinaja kraina śvietu, što pryznaje samaabvieščanuju Respubliku Paŭnočny Kipr, utvoranuju ŭ 1974 hodzie tureckaj hramadoj vyspy. Ankara paabiacała ciaham paŭhodździa bajkatavać usie mierapryjemstvy, arhanizavanyja pad ehidaj staršynstva Kipra ŭ ES. Tureckija ŭłady vinavaciać Kipr u niežadańni vieści pieramovy z tureckaj hramadoj.

Jeŭraradyjo

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH