Ministerstva zamiežnych spraŭ Ukrainy nie budzie nakiroŭvać notu pratestu ŭ Biełaruś u suviazi z zatrymańniem u Minsku hramadzianki Ukrainy. Pra heta zajaviŭ 28 sakavika ŭ Kijevie namieśnik ministra zamiežnych spraŭ Ukrainy Uładzimir Ahryzka.
Nahadajem, što hramadzianka Ukrainy Anastasija Žyŭkova była zatrymana ŭ Minsku viečaram 24 sakavika, napiaredadni akcyi pratestu biełaruskaj apazicyi. U dziaŭčyny byli znojdzieny naklejki z zaklikam pryjści na niesankcyjavany mitynh na Kastryčnickaj płoščy biełaruskaj stalicy. Sud inkryminavaŭ A.Žyŭkovaj raspaŭsiudžvańnie nielehalnaj drukavanaj pradukcyi i pryhavaryŭ da troch sutak administracyjnaha aryštu. 27 sakavika jany vyjšła na volu.
Pavodle słoŭ U.Ahryzki, MZS Ukrainy i ŭkrainski konsuł u Minsku pryniali ŭsie miery dla ŭrehulavańnia kanfliktu. Nota biełaruskim uładam nakiravana nie budzie, bo Ukraina nie choča psavać adnosiny z aficyjnym Minskam. «My žadajem, kab jany palapšalisia, a nie paharšalisia», — padkreśliŭ namieśnik ministra.
Jašče adzin ukrainski čynoŭnik vykazaŭsia siońnia ab imknieńni Ukrainy padtrymlivać ź Biełaruśsiu siabroŭskija adnosiny. «Ukraina choča, kab adnosiny ź Biełaruśsiu byli dobrasusiedskimi, adnak ciapier isnuje šerah prablemnych pytańniaŭ pamiž krainami», — zajaviŭ na bryfinhu ŭ Kijevie namieśnik kiraŭnika sakrataryjata prezidenta Ukrainy Alaksandr Čały.
Jon taksama paviedamiŭ, što praciahvajecca padrychtoŭka vizitu va Ukrainu prezidenta Biełarusi Alaksandra Łukašenki. Adnak dakładnaja data vizitu ŭsio jašče nie vyznačana — hetaje pytańnie ŭzhadniajecca «na dypłamatyčnym uzroŭni», skazaŭ A.Čały.
