Aŭtar rolika «Davaj, da śvidańja!» abvinavačany ŭ dziaržaŭnaj zdradzie 4

U Azierbajdžanie žurnalistu i pravaabaroncu Hiłału Mamiedavu, aŭtaru papularnaha rolika «Davaj, da śvidańja!», pradjaŭlenyja novyja abvinavačvańni — u dziaržaŭnaj zdradzie i raspalvańni nacyjanalnaj, rasavaj, sacyjalnaj i relihijnaj nianaviści.

Śledstva pa spravie Mamiedava daručana ŭpraŭleńniu pa ciažkich złačynstvach hienieralnaj prakuratury.

Jak paviedamlałasia raniej, Hiłała Mamiedava zatrymali ŭ Baku pa padazreńni ŭ zachoŭvańni narkotykaŭ 22 červienia.

Pravaabaroncy paličyli zatrymańnie Mamiedava sprobaj cisku na hramadzianskaha aktyvista.

Mamiedaŭ źjaŭlajecca hałoŭnym redaktaram haziety i sajta «Tołyši sado», jakija publikujuć materyjały na tałyšskaj movie — dla małakolkasnaha iranamoŭnaha naroda, jaki pražyvaje ŭ Azierbajdžanie i naličvaje 112 tysiač čałaviek. Raniejšy redaktar ​​hetaj haziety byŭ asudžany pa abvinavačvańni na karyść Irana na 10 hadoŭ i pamior u balnicy.

***

U traŭni papularnym internet-miemam staŭ słohan «Davaj, da śvidańja!», jon źjaviŭsia dziakujučy Mamiedavu. Hiłał Mamiedaŭ źniaŭ na videakamieru tradycyjny vystup kupletystaŭ na viasielli ŭ horadzie Astara. Takija kuplety nazyvajucca ŭ Azierbajdžanie «miejchana». U toj raz refrenam vystupu kupletystaŭ stała fraza «A ty kto takoj? Davaj, da śvidańja!».

Videa atrymała miljony prahladaŭ na YouTube.

delfi.lt

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH