Takija źviestki pryvodzić hałoŭnaje statystyčnaje ŭpraŭleńnie Minska.
Kolkaść nasielnictva stalicy na 1 studzienia 2012 hoda skłała 1 młn. 885,1 tys. čałaviek, abo 19,9% žycharoŭ Biełarusi. Za 2011 hod minčan stała bolš na 21 tys. čałaviek, u tym liku za košt mihracyjnaha pryrostu - na 18,2 tys. čałaviek i naturalnaha pryrostu - na 2,8 tys. čałaviek.
Z 9 rajonaŭ miehapolisa samy šmatliki Frunzienski: u im pražyvaje kožny piaty žychar horada, abo 21,8%, u Partyzanskim i Centralnym rajonach - adpaviedna ŭsiaho 5,2% i 5,8% nasielnictva horada.
Za minuły hod niaznačna źniziłasia kolkaść Zavodskaha, Leninskaha i Centralnaha rajonaŭ, astatnich - uzrasła.
Siarod žycharoŭ stalicy bolš za pałavinu - žančyny. U pačatku 2012 hoda ich kolkaść składała 1 młn. 23,9 tys. čałaviek (54,3%), mužčyn - 861,2 tys.Na 1000 mužčyn prypadała 1189 žančyn (dla paraŭnańnia: pavodle źviestak pierapisaŭ nasielnictva 2009 hoda, 1177 - žančyn, 1999 hoda - 1131 žančyna).
Kolkaść dziaciej va ŭzroście da 16 hadoŭ u pačatku 2012 hoda skłała 275,4 tys. čałaviek, abo 14,6% ad ahulnaj kolkaści nasielnictva. Suadnosiny chłopčykaŭ i dziaŭčynak u luboj uzrostavaj katehoryi dziciačaha nasielnictva zachoŭvajecca na karyść pieršych. Na 100 novanarodžanych dziaŭčynak prypadaje ŭ siarednim 103-108 chłopčykaŭ.
Dziakujučy rostu naradžalnaści apošnija hady pavialičyłasia kolkaść dziaciej va ŭzroście da 5 hadoŭ (104,5 tys. čałaviek u pačatku 2012 hoda suprać 96,1 tys. čałaviek pa vynikach pierapisu nasielnictva 2009 hoda i 69,6 tys. - 1999 hoda). Udzielnaja vaha kolkaści dziaciej va ŭzroście 5-9 hadoŭ u ahulnaj kolkaści nasielnictva małodšaha za pracazdolny ŭzrost za hetyja pieryjady praktyčna nie źmianiałasia.
Na pačatak hoda kolkaść pracazdolnaha nasielnictva skłała 1 młn. 222,1 tys. čałaviek, abo 64,8% u ahulnaj kolkaści nasielnictva, ź ich žančyny - 614 tys. čałaviek (50,2%).Pryčym u hetaj katehoryi pieravažaje maładoje aktyŭnaje nasielnictva va ŭzroście 20-29 hadoŭ (31,4%).
Pavodle słoŭ śpiecyjalistaŭ, ciapier nazirajecca praces źnižeńnia ŭdzielnaj vahi pracazdolnaha nasielnictva ŭ ahulnaj kolkaści nasielnictva (z 66,1 pracenta ŭ pierapisie 2009 hoda da 64,8 pracenta ŭ 2011 hodzie). U pracazdolny ŭzrost ustupajuć nievialikija hrupy nasielnictva, narodžanyja ŭ 90-ja hady, jakija charaktaryzujucca nizkim uzroŭniem naradžalnaści, što abvastraje situacyju z papaŭnieńniem pracoŭnych resursaŭ.
Na 1000 mužčyn pracazdolnaha ŭzrostu prypadała 1010 žančyn nazvanaj uzrostavaj katehoryi, pryčym najmienšaja dyspraporcyja adznačana va ŭzroście 30-34 hady (1024 žančyny), najbolšaja - va ŭzroście 50-54 hady (1304 žančyny).
U vyniku demahrafičnaha stareńnia nasielnictva pavialičvajecca kolkaść ludziej starejšych za pracazdolny ŭzrost.
Na 1 studzienia 2012 hoda heta katehoryja nasielnictva skłała 387,6 tys. čałaviek, abo 20,6 pracenta ŭ ahulnaj kolkaści nasielnictva, pavodle pierapisu nasielnictva 2009 hoda - 19,6%.Za čas paśla apošniaha pierapisu ŭ hetaj uzrostavaj hrupie adznačajecca najbolšy pryrost nasielnictva - na 28,5 tys. čałaviek.
U kolkaści nasielnictva starejšaha za pracazdolny ŭzrost u pačatku 2012 hoda žančyny skłali 71,3% (276,3 tys. čałaviek), mužčyny - 28,7% (111,3 tys. čałaviek). U hetym uzroście asabliva adčuvalnaja roźnica ŭ suadnosinach kolkaści mužčyn i žančyn. Tak, na kožnuju tysiaču mužčyn starejšych za pracazdolny ŭzrost prypadała 2483 žančyny adpaviednaha ŭzrostu, pry hetym va ŭzrostavaj hrupie 60-64 hady - 1484, va ŭzroście 75-79 hadoŭ - 2282, a va ŭzroście 85 i starejšyja - 3625.
U 2011 hodzie čakanaja praciahłaść žyćcia pry naradžeńni skłała 73,6 hoda (u mužčyn - 67,9 hadoŭ, u žančyn - 78,7 hoda). U paraŭnańni z 2000 hodam jana ŭzrasła na 2,6 hoda jak u mužčyn, tak i ŭ žančyn.-
