Z 15 lipienia pavyšajucca na 10% adpusknyja košty na chleb i batony. Heta praduhledžana pastanovaj Ministerstva ekanomiki ad 29 červienia 2012 hoda № 60, jakaja ŭnosić dapaŭnieńni i źmianieńni ŭ pastanovu ad 26 krasavika 2012 h. № 35.
«Hetaj pastanovaj praduhledžana mahčymaść pavyšeńnia arhanizacyjami-vytvorcami adpusknych koštaŭ, nie pieravyšajučy hraničnych maksimalnych adpusknych koštaŭ, pa rehulavanych hrupach chleba i batonaŭ ŭ lipieni na 10%», — adznačyli ŭ Minekanomiki.
Havorka idzie pra chleb žytni i žytni-pšaničny biez dadatkovaj syraviny abo z dadatkovaj syravinaj ajčynnaj vytvorčaści, a taksama ab batonach i chlebie z pšaničnaj muki z utrymańniem pa receptury cukru i tłuščaŭ u sumie nie vyšej 14% vahoj 300 h i bolej.
Pastanova pryniata ŭ metach kampiensacyi padaražeńnia koštu sielskahaspadarčaj syraviny, skaračeńnia stratnaści vytvorčaści i nasyčeńnia spažyvieckaha rynku sacyjalna značnymi vidami chleba i chlebabułačnych vyrabaŭ z ulikam prapanoŭ Minsielhascharča.
