Mižnarodnaja dapamoha "moža mieć vialikaje značeńnie dla biełaruskich ludziej u hetyja ciažkija časy", ličyć jeŭrakamisar pa pytańniach pašyreńnia i jeŭrapiejskaj palitycy dobrasusiedstva Štefan Fiule.Ab hetym jon zajaviŭ u Brusieli na niefarmalnaj sustrečy mižnarodnych donaraŭ pa Biełarusi, arhanizavanaj Jeŭrapiejskaj słužbaj źniešniaha dziejańnia i Jeŭrakamisijaj, paviedamlaje pres-słužba jeŭrakamisara.
"Mienavita tamu ES uziaŭ na siabie inicyjatyvu ŭ kaardynacyi namahańniaŭ mižnarodnych donaraŭ u dačynieńni da Biełarusi, — skazaŭ Fiule. — Siońniašniaja sustreča dała nam mahčymaść abmianiacca mierkavańniami i acenkami, kab zrabić maksimalnaj naš dapamohu".
U mierapryjemstvie ŭziali ŭdzieł dziaržaŭnyja dziejačy, pradstaŭniki niaŭradavych arhanizacyj i hramadzianskaj supolnaści, uciahnutyja ŭ realizacyju prajektaŭ u Biełarusi. Sustreča źjaŭlajecca častkaj namahańniaŭ ES pavialičyć efiektyŭnaść dapamohi Biełarusi ŭ ciapierašniaj situacyi, padkreślivajecca ŭ paviedamleńni pres-słužby.
0
0
0
0
0
0
