U 2008 hodzie Miadźviedzieŭ z Łukašenkam brataŭsia, u 2010-m źvinavaciŭ u biasčesnaści, a ŭ 2011-m nazvaŭ składanym čałaviekam.
Dźmitryj Miadźviedzieŭ miarkuje, što
«Za apošni hod, moža, krychu bolš, my prajšli vielmi važny šlach i vyjšli na zusim inšy ŭzrovień stratehičnaha partniorstva, jaki nie moža nie radavać nas u Rasiei, i, spadziajusia, u Biełarusi takija ž nastroi», — cytuje Miadźviedzieva dziaržaŭnaje ahienctva BiełTA.
Rasijski premjer, u pryvatnaści, adznačyŭ, što handlovy abarot pamiž dźviuma krainami «vyjšaŭ na biesprecedentny ŭzrovień».«Takoha handlovaha abarotu nikoli nie było. Heta vynik i sumiesnaj dziejnaści, i intehracyjnych pracesaŭ u ramkach Sajuznaj dziaržavy i Mytnaha sajuza», — skazaŭ Miadźviedzieŭ.
Pavodle jaho słoŭ, padčas siońniašniaha pasiadžeńnia Savieta ministraŭ Sajuznaj dziaržavy płanujecca abmierkavać pytańni ekanamičnaha supracoŭnictva Biełarusi i Rasii, uzajemadziejańnia ŭ abaronnaj, humanitarnaj śfierach.
«U cełym my ličym, što našy adnosiny zaraz znachodziacca na vielmi dobrym uzroŭni, jość parazumieńnie praktyčna pa absalutnaj bolšaści biahučych spraŭ.Viadoma, jość i niejkija pytańni, jakija tak ci inakš ŭźnikajuć. Hetamu my pryśviacim siońniašni karotki, ale nasyčany vizit» , — zajaviŭ Miadźviedzieŭ.
Łukašenka sa svajho boku paćvierdziŭ namier prasoŭvać prajekt sajuznaha budaŭnictva.
— Heta śviedčyć ab tym, što intehracyjnym pracesam my nadavali i budziem nadavać uvahu. I voś hetamu jadru, našamu hałoŭnamu prajektu Sajuznaj dziaržavy, my budziem nadavać nie tolki ŭvaha, ale i prasoŭvać hety prajekt «.«Vielmi važna, što vy pačali svajo staroje novaje žyćcio ŭ palitycy ź Biełarusi z praviadzieńnia vielmi važnaha mierapryjemstva, — skazaŭ jon Miadźviedzievu.
Pavodle słoŭ Łukašenki, biełaruski bok hatovy da razmovy pa ŭsich pytańniach, u tym liku sajuznaha budaŭnictva, jaho pierśpiektyŭ, a taksama śfiery abarony, finansaŭ.
«I z ulikam tych niespryjalnych tendencyj, jakija nasoŭvajucca na nas z vami nie to z Zachadu, nie to z Poŭdnia — z usich kancoŭ. Jość masa prablem, jakija treba było b i ŭzhadnić», — cytuje Łukašenku BiełTA.
***
Pytańnie nakont ekspartu Biełaruśsiu rastvaralnikaŭ i razbaŭlalnikaŭ, atrymanych ź biaspošlinna pastaŭlenaj rasijskaj nafty, budzie padymacca ŭ chodzie vizitu prem'
Pra heta, pavodle infarmacyi RIA «Naviny», paviedamiła krynica ŭ rasijskaj delehacyi. U sieradu Miadźviedzieŭ voźmie ŭdzieł u pasiadžeńni Savieta ministraŭ Sajuznaj dziaržavy i sustreniecca z Alaksandram Łukašenkam.
«Tema padymacca budzie, bo całkam jasna, što takoje niečakanaje naroščvańnie ekspartu, takija najaŭnyja źviestki vyklikajuć pytańni», — paviedamiła krynica.
Jana (krynica) nahadała, što ŭ Rasii i Biełarusi jość miechanizmy abmierkavańnia pytańniaŭ i pahadnieńnie, jakoje rehuluje pastaŭki nafty i naftapraduktaŭ.
«U nas jość pytańni, i my chočam atrymać na ich adkazy, moža być, biełaruski bok na ŭsie pytańni daść pazityŭnyja adkazy, tady nieabchodnaści ŭ reakcyi nie budzie», — skazaŭ surazmoŭca.
«Nichto hetuju temu ŭ asfalt nie źbirajecca zakatvać, heta tema surjoznaja», i biełaruski bok taksama heta razumieje, padkreśliŭ jon.
Krynica paćvierdziła, što ministerstva pramysłovaści i handlu Rasii praviali adpaviednaje rasśledavańnie, ale nie staŭ kamientavać jaho vyniki.
Raniej rasijskija aficyjnyja asoby nieadnarazova vykazvali zakłapočanaść tym, što Biełaruś ekspartuje naftapraduktaŭ bolš, čym ich možna vypracavać. Taksama zajaŭlałasia ab padazreńniach, što Minsk ekspartuje naftapradukty pad vyhladam arhaničnych rastvaralnikaŭ, kab syści ad ekspartnych pošlin u rasijski biudžet.
