Vypusk elektraabstalavańnia ŭ Biełarusi źniziŭsia na 6% 1

Pavodle źviestak Biełstata, u studzieni-červieni źniziłasia vytvorčaść elektraabstalavańnia, elektronnaha i aptyčnaha abstalavańnia na 6% u adnosinach da anałahičnaha pieryjadu minułaha hoda i skłała prykładna 9,4 trłn. rubloŭ.

Pamienšyłasia vytvorčaść transfarmataraŭ vialikaj mahutnaści (na 28,8%, 558 št.), intehralnych schiem (na 1,2%, 801,8 młn. št.), radyjopryjomnikaŭ (na 59,3%, 1.641 št.), televizaraŭ (na 2,9%, 184,9 tys. št.), aptyčnych pryboraŭ (na 5,7%, 45,9 tys. št.).

Vytvorčaść inšaha elektra-, elektronnaha i aptyčnaha abstalavańnia vyrasła. U pryvatnaści, na 12,2% pavialičyŭsia abjom vytvorčaści elektraruchavikoŭ pieramiennaha toku (204,7 tys. št.), na 19,6% — transfarmataraŭ z vadkim dyelektrykam (17,3 tys. št.), na 12,1% — aśviatlalnych elektralampaŭ (102,5 młn. št.).

Zapasy pradukcyi na 1 lipienia 2012 hoda skłali 1 trłn. rubloŭ, ci 87,9% da siaredniamiesiačnaha abjomu vytvorčaści. Zapasy televizaraŭ — 29,9 tys. št., abo 96,9%, vyklučalnikaŭ nizkavoltnych — 1,9 tys. št. (222,8%), radyjopryjomnikaŭ — 384 št. (140,4%).

0

0

0

0

0

0

Maryna Nosava, BiełaPAN

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH