Namieśnik načalnika upraŭleńnie ŭnutranych spraŭ Mienabłvykankamu spadar Šutaŭ zajaviŭ hramadzkaści, što milicyja «zabiaśpiečyć kruhłasutačnuju achovu kompleksu Kurapaty na biazvypłatnaj asnovie nia maje mahčymaści» i prapanavaŭ za achovu Kurapataŭ płacić. Słovy milicejskaha načalnika kamentuje pa telefonie ź Ńju-Jorku pieršaadkryvalnik Kurapataŭ Zianon Paźniak.
Zianon Paźniak: «Ja takoha nie čakaŭ navat ad hetaj ułady. Heta nahetulki cynična, što vyhladaje jak plavańnie ŭ tvar usim tym ludziam, jakija byli rasstralanyja , i ichnym dzieciam, jakija vyraśli sirotami. Ciažka ŭjavić navat uładu, jakaja b mahła padobnaje paviedamić svaim hramadzianam. Heta značyć -- absalutna nie pavažać ni ludziej, ni dziaržavu, ni pamiać, ni maralnaść, ničoha. Hety vypadak unikalny. Ja dumaju, što jon prosta ŭvojdzie ŭ historyju, u historyju čałaviečaj nizkaści. Ja nia viedaju u chryścijanskaj historyi, kab niechta niešta padobnaje moh skazać. Chacia vypadki pryvatnaha kštałtu, kryminalnyja, byvajuć, ale kab na ŭzroŭni dziaržavy aficyjnyja asoby tak siabie pavodzili -- prykładaŭ takich nie było. Nu, voś budzie pieršy prykład. I ŭ hetym taksama sensie hety režym ŭvojdzie ŭ historyju razbureńnia nacyi, historyi, marali, kultury. Hetuju infarmacyju ludzi pavinny viedać, jaje možna davać biez kamentaroŭ. Chaj ludzi sami bačać i aceńvajuć, jakoha maralnaha ŭzroŭniu asoby kirujuć, jakaja heta ŭłada, ci maje jana ŭvohule prava na isnavańnie».
