Alaksandr Łukašenka zapatrabavaŭ ad Hienieralnaj prakuratury ŭzmacnić rabotu pa baraćbie z karupcyjaj zamiest taho, kab zachaplacca teoryjami i zakanadaŭčymi adšukańniami. Ab hetym kiraŭnik dziaržavy zajaviŭ siońnia na naradzie pa pytańniu ŭdaskanaleńnia dziejnaści orhanaŭ prakuratury.
«Sama Hienieralnaja prakuratura praźmierna zachaplałasia teoryjami i zakanadaŭčymi adšukańniami, abmiažoŭvajučysia pry hetym vuzkaviedamasnymi padychodami, biez uliku intaresaŭ i ŭzajemadziejańnia ź inšymi strukturami», — skazaŭ jon.
Alaksandr Łukašenka adznačyŭ, što apošnija hady ŭ mnohim dziakujučy kaardynujučaj roli Hienieralnaj prakuratury ŭ krainie źniziłasia kolkaść ciažkich i asabliva ciažkich złačynstvaŭ. Jon taksama źviarnuŭ uvahu na asablivy ŭkład prakuratury ŭ zabieśpiačeńnie zakonnaści, umacavańnie hramadskaj biaśpieki i stabilnaści.
Adnak, jak kanstatavaŭ Łukašenka, sistema Hienieralnaj prakuratury nie moža zastavacca statyčnaj.«Mnoju pastaŭlena zadača pierad usim siłavym błokam i błokam pravaachoŭnym ab dalejšym udaskanaleńni, moža navat pa niekatorych napramkach — refarmavańni. Heta datyčycca i Hienieralnaj prakuratury», — skazaŭ jon. Jana pavinna raźvivacca i ŭdaskanalvacca razam z hramadstvam, kab mieć mahčymaść apieratyŭna i adekvatna reahavać na sučasnyja vykliki. «Na žal, nie zaŭsiody nam udajecca narmalna, svoječasova i adekvatna reahavać na hetyja sučasnyja vykliki. Nie prahladajecca cełasnaha bačańnia prakurorami svajoj roli ŭ pravaachoŭnym błoku, jaki refarmujecca», — skazaŭ Alaksandr Łukašenka. Jon miarkuje, što časta kankretnaja rabota padmianiajecca šmatlikimi farmalnymi naradami, abmierkavańniami i papieratvorčaściu. «Niezrazumieła, navošta marnavać na heta čas, kali realnaj karyści takaja dziejnaść nie prynosić? A patrebny vynik», — padkreśliŭ Łukašenka.
Na jaho dumku, mnohija prapanovy Hienprakuratury niaredka mieli dekłaratyŭny i dyskusijny charaktar, byli niedastatkova pradumany, asabliva ŭ častcy finansavych zatrat, navukovaj i kadravaj zabiaśpiečanaści.«A adciahnieńnie supracoŭnikaŭ na vykanańnie nieŭłaścivych zadač pryviało da asłableńnia nahladu ŭ pryjarytetnych napramkach», — padkreśliŭ Alaksandr Łukašenka.
«Parušeńni pravoŭ i intaresaŭ subjektaŭ haspadarańnia adbyvajecca praktyčna va ŭsich śfierach ekanomiki. Nie vykaranieny fakty biurakratyčnaha samavolstva, abmiežavańnia kankurencyi i nieabhruntavanaha pradastaŭleńnia prefierencyj. U cełym stan zakonnaści ŭ ekanamičnaj śfiery daloki ad ideału. I tut vaša rabota vielmi važnaja ŭ kantakcie z uradam», — skazaŭ kiraŭnik dziaržavy, źviartajučysia da prakurorskich rabotnikaŭ.
Alaksandr Łukašenka nahadaŭ, što pry naznačeńni na pasadu hienieralnaha prakurora Alaksandra Kaniuka pierad im była pastaŭlena zadača pavysić efiektyŭnaść dziejnaści orhanaŭ prakuratury.Jon źviarnuŭ asablivuju ŭvahu na klučavyja prablemy ŭ rabocie Hienprakuratury, jakija majuć patrebu ŭ vyrašeńni. Łukašenka zapatrabavaŭ uzmacnić rabotu pa baraćbie z karupcyjaj, arhanizavać efiektyŭnaje ŭzajemadziejańnie Hienprakuratury ź inšymi ŭpaŭnavažanymi orhanami i ŭstaranić pryčyny, jakija pieraškadžajuć plonnaj rabocie.
Alaksandr Łukašenka taksama źviarnuŭ asablivuju ŭvahu na prablemu padboru i rasstanoŭki kadraŭ u Hienprakuratury.«Naściarožvaje toj fakt, što apošnija hady praces abnaŭleńnia asabovaha składu nabyŭ piermanientny charaktar», — rastłumačyŭ jon, daŭšy daručeńnie vybudavać efiektyŭnuju sistemu kadravaha zabieśpiačeńnia. Pry hetym jon zapatrabavaŭ, kab u jakaści pryčyny adtoku kadraŭ nie nazyvałasia stvareńnie Śledčaha kamiteta: «Nie treba rabić trahiedyju z adtoku tudy prakurorskich kadraŭ. Naadvarot, u hetym jość pazityŭ. U Śledčy kamitet pryjšli prafiesijanały, i jakaść śledstva ad hetaha tolki palepšycca, tamu što śledstva — heta viaršynia ŭsioj sistemy pravaachoŭnaha błoka». Alaksandr Łukašenka ličyć, što ŭvahu treba źviarnuć na papaŭnieńnie Hienieralnaj prakuratury dastojnymi kadrami.
Alaksandr Łukašenka raźličvaje atrymać ad udzielnikaŭ narady abjektyŭnuju i ŭzvažanuju acenku stanu śledčaj raboty i jakaści rasśledavańnia kryminalnych spraŭ.Adnym z važnych pytańniaŭ, jakoje, na dumku Łukašenki, treba abmierkavać — ci zabiaśpiečvajecca realizacyja hałoŭnych met praviedzienaj u krainie reformy śledčaj sistemy, a mienavita zabieśpiačeńnie abarony pravoŭ hramadzian i pracesualnaj niezaležnaści śledčych.
