Istotna pavyšany akcyzy na ałkahol i paliva 2

U Biełarusi 1 žniŭnia pavyšany staŭki akcyzaŭ na naftapradukty i ałkaholnyja napoi. Takoje rašeńnie ŭtrymlivajecca va ŭkazie ad 31 lipienia 2012 hoda № 349, apublikavanym na Nacyjanalnym pravavym internet-partale.

Tak, na 36,5% (da 37.280 rubloŭ za litr 100-pracentnaha śpirtu, jaki źmiaščajecca ŭ hatovaj pradukcyi) pavialičany akcyzy na viny pładovyja macavanyja maračnyja, palepšanaj jakaści i śpiecyjalnaj technałohii, na 13,8% (da 3.520 rubloŭ na litr hatovaj pradukcyi) — na słabaałkaholnyja naturalnyja napoi, na 4,4% (3.520) — na viny naturalnyja, u tym liku pienistyja i šampanskija, hazavanyja i šypučyja, na 3,5% (da 580 rubloŭ) — na viny fruktova-jahadnyja naturalnyja, sidry fruktova-jahadnyja.

Zhodna z dakumientam na 10% pavyšany akcyzy na aŭtamabilnyja bienziny i dyzielnaje paliva. U pryvatnaści, staŭka akcyza na bienzin z aktanavym čysłom 95 i vyšej składaje 1 młn. 26 tys. rubloŭ za tonu, na bienzin z aktanavym čysłom ad 91 da 95 — 1 młn. 286 tys. 690 rubloŭ, z aktanavym čysłom da 91 — 1 młn. 459 tys. 220 rubloŭ. Staŭka akcyza na dyzielnaje paliva ŭstanoŭlena na ŭzroŭni 826 tys. 540 rubloŭ. Pry hetym ustanoŭlena nulavaja staŭka akcyzaŭ dla dyzielnaha paliva dla vytvorčaści bijadyzielnaha paliva.

Hetyja staŭki dziejničajuć da 31 śniežnia 2012 hoda.

0

0

0

0

0

0

BiełaPAN

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH