Ksiuša Dziahielka prajhrała ŭ konkursie «Ja ― lidar» 9

«Pieršyja miescy davali sioletnim vypusknikam. A nam skazali: «Davajcie-pracujcie», ― skardzicca dziaŭčynka, čyj chit «Ja iz dierievni» sabraŭ 1,1 młn prahladaŭ na Youtube

Bajnet zabyŭsia pra pieršuju biełaruskuju zorku Youtube Ksiušu Dziahielka tak ža chutka, jak i ŭźnios na viaršyniu papularnaści. 14-hadovaja aŭtarka chita «Ja iz dierievni» pa-raniejšamu žyvie ŭ miastečku Akciabrski Homielskaj vobłaści. I navat konkurs «Ja ― lidar», ź jakoha pačynałasia jaje słava, u jaje vyjhrać nie atrymałasia.

Ksiuša Dziahielka: «Kali byŭ respublikanski konkurs, mnie pryzavoje miesca nie dali. Tam byŭ 21 udzielnik, i pieršyja miescy davali, u asnoŭnym, sioletnim vypusknikam. A nam skazali: „Davajcie, pracujcie, udzielničajcie dalej u našym konkursie!“ Ad Homielskaj vobłaści try čałavieki było: ja i jašče dva chłopčyki. Ale vysokich miescaŭ nichto z nas nie atrymaŭ».

Leta prymusiła dziaŭčynku pierahledzieć svaje pohlady na vopratku.

Raniej jana śpiavała «dałoŭ mini-spadnički, karotkaje, vuzkaje» i raspaviadała Jeŭraradyjo, što adna mini-spadnička ŭ jaje harderobie jość, ale prychavanaja hłyboka na paličcy. Ciapier adkrytaj vopratkaj Ksiuša nie hrebuje. Bo jak inačaj vyratavacca ad śpioki?

Ksiuša Dziahielka: «Časam mini-spadnički apranaju. Ale ŭ asnoŭnym u mianie šorty».

Kožnaje leta baćki vazili nas da babuli na viosku. A dzie adpačyvaje padčas doŭhich letnich kanikuł aŭtarka chita «Ja iz dierievni»?

Ksiuša Dziahielka: «Ja jeździła ŭ łahier, jaki nazyvajecca „Čajka“. Heta niedaloka ad Śvietłahorska, u Čyrkavičach. Voś tam ja i adpačyvała. A ciapier viarnułasia i padumała pra toje, kab praciahvać dalej. Litaralna dniami pryjechała dadomu i dumaju, što budu zapisvać novyja pieśni».

Što praŭda, sama Ksiuša pisać pieśni nie sprabavała: aŭtaram nastupnych chitoŭ budzie vykładčyk Akciabrskaha centra tvorčaści Andrej Pavuk.

Pra što buduć nastupnyja pieśni, maładaja artystka taksama jašče nie ŭjaŭlaje.

Ksiuša Dziahielka: «Dumaju, budu raźvivacca ŭ roznych nakirunkach. I buduć roznyja temy. Moža, i pra kachańnie taksama».

Pavieł Śviardłoŭ, Jeŭraradyjo

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH