Bresan: Vyjhrali ŭ Armienii 2:1, prajhrali Kipru 0:3 1

Nacyjanalnaja zbornaja pa futbole (hałoŭny trenier — Hieorhij Kandraćjeŭ) vyjhrała ŭ tavaryskim matčy ŭ Jerevanie ŭ zbornaj Armienii 2:1.

Renan Bresan vyznačyŭsia na 44-j i 66-j chvilinach. Armianie nie zabivali, u svaje varoty paceliŭ Dźmitryj Vierchaŭcoŭ (na 71-j chvilinie).

Zbornaja Biełarusi vystupała ŭ nastupnym składzie: Vieramko (k) (Žaŭnoŭ, 46) — Bardačoŭ (Vieraciła, 60), Martynovič, Vierchaŭcoŭ, Žaŭnierčyk — Ciharaŭ, Kiślak (Drahun, 46) — Puciła, Bresan, Niachajčyk — Karnilenka (Kamaroŭski, 46).

Biełaruś rychtujecca da startu ŭ adboračnym turniry da čempijanatu śvietu 2014 hoda. Nahadajem, što zbornaja zhulaje ŭ adnoj hrupie ź dziejučymi čempijonami Jeŭropy (i śvietu) zbornaj Ispanii, Francyjaj, Finlandyjaj i Hruzijaj.

Našy futbalisty pačnuć turnir matčam z Hruzijaj 7 vieraśnia ŭ haściach, taksama na vyjeździe 11 vieraśnia zhulajuć z Francyjaj.

12 kastryčnika matč ź Ispanijaj u Minsku, 16 kastryčnika — matč z Hruzijaj u Biełarusi.

Siońnia praviała adboračny matč da svajho čempijanatu Jeŭropy maładziožnaja zbornaja.

Jana na svaim poli (na «Dynama-Juni») prajhrała Kipru 0:3 (Enhlezu, 13, Micidzis, 50, Kurłovič, 73, u svaje varoty). Kancoŭku sustrečy biełarusy pravodzili ŭdzieviacioch paśla dvuch vydaleńniaŭ.

Napiaredadni sustrečy Viarhiejenka zajaviŭ, što zapisy matčaŭ zbornaj Kipra kudyści źnikli, tamu jon zmoh sabrać tolki statystyčnuju infarmacyju pra sapiernika, dadaje BiełaPAN.

Stanovišča kamand u hrupie 1: Hiermanija — 24 ački (8 matčaŭ; roźnica miačoŭ 32–5), Bośnija i Hiercahavina — 16 (8; 17–8), Kipr — 12 (9; 16–19), Hrecyja — 10 (8; 13–11), Biełaruś — 10 (8; 10–14), San-Maryna — 1 (9; 2–33).

Biełaruskaj maładziožnaj kamandzie zastałosia pravieści matčy z Hiermanijaj (7 vieraśnia ŭ haściach) i San-Maryna (10 vieraśnia doma).

nn.by

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH