Były viazień sumleńnia, doktar miedycyny Jury Bandažeŭski na ŭłasnym dośviedzie napisaŭ za kratami dapamožnik «Systema vyžyvańnia čałavieka». Ciapier jon publikuje artykuły z hetaha dapamožnika na sajcie radyjo «Svaboda». Adzin z samych cikavych pryśviečany čaju. Navat za kratami navukoviec Bandažeŭski ładziŭ eksperymenty.
Tradycyjna harbata dla aryštanta — heta nia prosta napoj, a stały spadarožnik, adzin z asnoŭnych instrumentaŭ arhanizacyi žyćcia ŭ niavoli.Harbata vykonvaje rolu hrašovaj adzinki ŭ dačynieńniach pamiž źniavolenymi. Za joj abmiarkoŭvajucca ŭsie aktualnyja pytańni.
Kali spytać źniavolenych pra vartaści hetaha napoju, to šmat chto budzie paŭtarać pračytanaje ŭ papularnaj litaratury abo pačutaje ad inšych — jaki jon cudadziejny. Raskažuć, što heta mocny antyaksydant, jaki palapšaje dziejnaść serca, piačonki i da taho ž dapamahaje arhanizmu spalvać tłušč, što ŭ harbacie jość ftorystyja złučeńni i heta praduchilaje karyjes, što azijaty, jakija pjuć harbatu (asabliva zialonuju), značna radziej za inšych zachvorvajuć na rak. Hałoŭnaje ž, harbata — mocny enerhietyčny napoj, u jakim kafeinu jašče bolej, čym u kavie.
Padčas majoj adsiedki ŭ mienskaj kalonii na Kalvaryjskaj źniavolenym udałosia pierakanacca ŭ karyści harbaty eksperymentalna.Ideja pravieści daśledavańnie pryjšła da mianie ŭ tamtejšaj biblijatecy. Niejak ja padhledzieŭ, što ŭ kadcy z raślinami, kudy my źlivali reštki harbaty byccam by dla siłkavańnia raślinaŭ, žyli daždžavyja čarviaki. U mianie ŭźnikła dumka, što jany spažyvajuć hetuju harbatu i vydzialajuć humus, jaki ŭ vyniku siłkuje raśliny. Uźnikła ideja pravieryć heta doślednym šlacham. Kali čarviaki sapraŭdy siłkujucca liściem harbaty, to možna ŭ vyniku spraŭdzić i jakaść roznych jaje hatunkaŭ.
Dokazam miełasia pasłužyć razmnažalnaść čarviakoŭ, a taksama ich pamiery.
Kiraŭnictva ŭstanovy ŭchvaliła eksperyment. Pačali jaho naprykancy 2001 hodu, a skončyli ŭviesnu
Kožny tydzień, kab siłkavać čarviakoŭ, u skryni źmiaščałasia adnolkavaja kolkaść liścia harbaty, jakaja zastavałasia ad adnarazovaj zaparki.Siłkavańnie ažyćciaŭlałasia zhodna z raspracavanaj schiemaj.
U skryniu № 1 źlivali reštki čornaj krasnadarskaj harbaty, u skryniu № 2 — čornaj cejlonskaj, u skryniu № 3 — zialonaj kitajskaj, u skryniu № 4 — čornaj indyjskaj.
Zeki vielmi adkazna pastavilisia da pracy i ź nieciarpieńniem čakali vynikaŭ.Dla ich było važna na ŭłasnyja vočy ŭbačyć, jak hety pradukt upłyvaje na papulacyju i stan zdaroŭja takich ža amataraŭ harbaty, što i jany. Praź miesiac ad pačatku eksperymentu my vyznačyli masu čarviakoŭ. Potym razam z pamočnikami vydalili sa skryniaŭ darosłych asobin i padličyli kolkaść maładych čarviakoŭ, zarehistravaŭšy ich masu.
Daždžavyja čarviaki sapraŭdy siłkujucca liściem harbaty, jakoje moža być dla ich i asnoŭnym praduktam.
Najbolšaj masy za miesiac ad pačatku eksperymentu dasiahnuli čarviaki z skryni № 3 ź zialonaj kitajskaj harbataj.Najlepšaja repradukcyja była adznačanaja ŭ skryni № 2 z cejlonskaj harbataj. Najhoršaj pavodle hetych pakazčykaŭ była pryznana harbata skryni № 1 — krasnadarskaja.
Karysnaść kankretnych hatunkaŭ harbaty naŭprost zaležyć ad kolkaści dubilnych rečyvaŭ. Čym ich bolš — tym lepš. U krasnadarskaj — najmienšaja kolkaść hetych rečyvaŭ.
Nia vyklučana, što aktyŭnym bijalahičnym dziejańniem vałodajuć albuminy — białki, jakich u zialonaj harbacie bolš, čym u čornaj.
Vysnovy z praviedzienych nami dośledaŭ byli zroblenyja nastupnyja. «Atrymanyja vyniki dazvalajuć namiecić dalejšyja daśledavańni pa vyznačeńni aktyŭnych bijalahičnych substancyj, jakija źmiaščajucca ŭ liści harbaty, z metaj prymianieńnia ŭ praktycy lačeńnia šerahu zachvorvańniaŭ. Pavodle vynikaŭ, možna rekamendavać daždžavych kolčatych čarviakoŭ u jakaści abjekta eksperymentalnych daśledavańniaŭ pa vyznačeńni ŭpłyvu praduktaŭ charčavańnia i tych rečyvaŭ, jakija ŭvachodziać u ich skład, na pracesy rostu i repradukcyi, što maje niesumniennuju praktyčnuju značnaść».
Samaje viadomaje siarod hetych rečyvaŭ — kafein, jaki akazvaje stymulujučaje ŭździejańnie na arhanizm. Hety alkaloid naležyć da tych składnikaŭ harbaty, jakaść i kolkaść jakich vielmi niaznačna źmianiajecca pry pierapracoŭcy.
Kafein nie zatrymlivajecca i nie nazapašvajecca ŭ arhaniźmie.Ad 16 da 25% u harbacie składajuć karysnyja dla arhanizmu białki i aminakisłoty.
Jak lekar śviedču, što złoŭžyvać harbataj, jak i lubym inšym praduktam, nia varta. Darečy, pić jaje (jak i luby inšy napoj vadu, sok i h.d) lepš nie paśla jady, a da jaje.Padčas jady lepš abmiežavacca toj kolkaściu vadkaści, jakaja nieabchodnaja dla taho, kab nie atrymałasia «suchamiatka». Niahledziačy na vysokuju kolkaść karysnych rečyvaŭ, šmat zialonaj harbaty nia varta ŭžyvać tym, chto maje prablemy sa stravavańniem. Vialikaja kolkaść dubilnych rečyvaŭ ahresiŭnaja da zapalenčych pracesaŭ u
Treba być aściarožnym z takim tradycyjnym i papularnym u turmach napojem, jak čyfir.Jahony chimičny skład rezka adroźnivajecca ad składu narmalna zaparanaj harbaty
