Dobraje nadvorje čakajecca ŭ Biełarusi ŭ vychadnyja, paviedamiła hałoŭny sinoptyk Respublikanskaha hidramieteacentra Ludmiła Paraščuk.
Na hetym tydni nadvorje ŭ asnoŭnym farmiravaŭ paŭdniovy cykłon. Asabliva daždžlivym byŭ paniadziełak, kali miescami pa paŭdniovaj častcy Biełarusi za dzień vypała amal 50 pracentaŭ miesiačnaj normy apadkaŭ. Adznačaŭsia panižany tempieraturny režym. U kancy tydnia cykłon, stračvajučy svaju aktyŭnaść, pieramiaściŭsia ŭ susiednija vobłaści Rasii i daždžoŭ stała mienš. Ale jaho ŭpłyŭ jašče budzie adčuvacca peŭny čas.
U piatnicu budzie vobłačnaje z prajaśnieńniami nadvorje. U načnyja hadziny miescami, a ŭ dzionnyja na bolšaj častcy terytoryi krainy projduć karotkačasovyja daždžy. U asobnych rajonach dniom prahrymiać navalnicy. Unačy i ranicaj miescami prahnazujecca tuman. Viecier
U subotu ŭ zachodnich rehijonach krainy pad upłyvam antycykłonu daždžy spyniacca, paciapleje. Va ŭschodnich rehijonach jašče miescami projduć karotkačasovyja daždžy z navalnicami. Tempieratura pavietra ŭnačy budzie plus 10–15, udzień — ad plus 18 hradusaŭ pa paŭnočnym uschodzie Viciebskaj i Mahiloŭskaj abłaściej da 25 pa paŭdniovym zachadzie Biełarusi.
Asnoŭnym nadvorjeŭtvaralnym faktaram u niadzielu taksama budzie antycykłon. U asnoŭnym budzie biez apadkaŭ, ranicaj miescami prahnazujecca tuman. Viecier niaŭstojlivy słaby. Tempieratura pavietra ŭnačy — 10–15 hradusaŭ ciapła, udzień — plus 20–25. Pa paŭdniovym zachadzie Bresckaj vobłaści pavietra prahrejecca da 27 hradusaŭ.
Adnak palapšeńnie nadvorja budzie niepraciahłym. U paniadziełak, 20 žniŭnia, praz terytoryju krainy z poŭnačy na poŭdzień pieramieścicca frantalny raździeł, na bolšaj častcy terytoryi projduć karotkačasovyja daždžy, miescami prahrymiać navalnicy. Viecier
U aŭtorak pad ranicu słupki termomietraŭ apuściacca da adznaki plus 6–13. Dniom tempieratura pavietra budzie 16–23 hradusy ciapła, na paŭdniovym zachadzie krainy — na niekalki hradusaŭ ciaplej.
U siaredzinie tydnia ŭ Biełarusi zachavajecca ŭpłyŭ pavyšanaha atmaśfiernaha cisku, da zachodnich rehijonaŭ krainy padydzie ciopły atmaśfierny front ź Jeŭropy, ź jakim na terytoryju respubliki pačnie pastupać vielmi ciopłaje pavietra.
«Minułyja dni biahučaha tydnia tempieratura pavietra była na 1–4 hradusy nižejšaj za klimatyčnuju normu, u vychadnyja dni čakajecca ŭ miežach normy, a ź siaredziny nastupnaha tydnia prahnazujucca pavyšanyja tempieraturnyja režymy», — paviedamiła hałoŭny sinoptyk.
