Ludzi źbirajucca na Brasłaŭski Fest.
Abraz Maci Božaj Brasłaŭskaj, Vaładarki Azioraŭ, upryhožany kvietkami.
Vierniki fatahrafujucca ź biskupam Uładzisłavam Blinam.
Na Fest sabralisia niekalki tysiač viernikaŭ.
Śviatary iduć pracesijaj da ałtara.
Budučyja śviatary.
Budučyja śviatary lažać kryžam, pakul vierniki molacca da Usich Śviatych.
Malitva z uskładańniem ruk - častka abradu śviatarskich paśviačeńniaŭ.
Kardynał Teador Makaryk.
Arcybiskup Źbihnieŭ Stankievič.
Paśla Festu.
Uračystaści ŭ dyjacezijalnym sanktuaryi Maci Božaj Vaładarki Azioraŭ adbylisia 17–18 žniŭnia.
Na hałoŭnuju Imšu ab
Niedzie, a dziasiataj hadzinie vakoł kaścioła pačali źbiracca vierniki — pilihrymy, udzielniki dyjacezijalnaj moładzievaj sustrečy, miascovyja i pryjezdžyja vierniki.
Tradycyjnaja pieradfestavaja mituśnia — apošnija momanty padrychtoŭki da ŭračystaści. Siastra eŭcharystka ŭpryhožvaje lilejami i biełymi ružami abraz Maci Božaj.
Kleryki i ministranty vynosiać i raźviešvajuć pad ścienami kaścioła liturhičnaje adzieńnie — ksiandzoŭ budzie stolki, što ŭ zakrystyi nie źmieściacca.
Ludziej stanovicca ŭsio bolej. Navokał kaścioła dy kala namiotaŭ z relihijnaj atrybutykaj možna sustreć bahata znajomych. Lehiendarny krajaznaŭca ź Mioraŭ Vitold Jermalonak, lidar miorskaj Chryścijanskaj Demakratyi Bahusłaŭ Macuk, hłybocki žurnalist Źmicier Łupač z synam Valancinam, łučajski ksiondz Mikałaj Lipski, redaktar «Katalickaha Vieśnika» ksiondz Viktar Misievič — asnoŭnyja ńjusmejkiery našaha rehijona sabralisia na feście. Biskup Uładzisłaŭ Blin, jak zaŭsiody, u dobrym nastroi, chodzić i vitajecca ź viernikami.
Da pačatku Imšy vialikaja placoŭka pamiž carkvoj i kaściołam zapaŭniajecca viernikami.
Za kaściołam u dva roŭnyja šerahi šychtujucca ksiandzy — ich tut dziasiatki, a moža i sotnia. Pad huki vajskovaha duchavoha arkiestra pracesija pavolna rušyć da ałtara.U samym kancy iduć biskupy — Apostalski nuncyj Kłaŭdyjo Hudžeroci, ryžski Źbihnieŭ Stankievič, irkucki (z hłybockim minułym) Kirył Klimovič, viciebski Uładzisłaŭ Blin i samy daloki hość — arcybiskup Vašynhtona kardynał Teador Makaryk.
Arcybiskup Hudžeroci słužyć ImšuČytaje malitvy ź Imšała, namahajučysia pravilna vymaŭlać słovy jašče nie zusim zvykłaj dla Jaho Ekscelencyi movy. Prapavieduje na rodnaj italjanskaj movie.pa-biełarusku .
«Darahija kandydaty! Vy budziecie słužyć narodu, jaki maje svaju historyju, svaju kulturu, svaju movu, svaje nadziei» —svaju propaviedź arcybiskup Kłaŭdyjo Hudžeroci skiroŭvaje da traich dyjakanaŭ, jakija atrymajuć śviatarskija paśviačeńni i sieminarysta, jaki stanie dyjakanam.
Skončyłasia niebiaśpieka fizičnaha pieraśledu, kaža arcybiskup, ale jość niebiaśpieka dabrabytu. Niebiaśpieka spakojna žyć u dobrych materyjalnych umovach siarod ludziej, jakija buduć vas pavažać.Niebiaśpieka pieratvarycca ŭ instrumienty kultu źniščaje Kaścioł. Z Boham nielha žartavać, papiaredžvaje Jaho Ekscelencyja.
«Dziakujcie Bohu, što naradzilisia ŭ krainie, dzie maładyja ludzi padatlivyja na jevanhielizacyju.Nie čakajcie, kali jany pryjduć da vas. Idzicie da ich, kažycie, što Boh ich lubić. Boh zrobić cudy, ale nie biez vysiłku vašych ruk», — kaža arcybiskup Hudžeroci budučym śviataram.
Śviatarskija paśviačeńni stali admietnaj padziejaj nie tolki dla tych, kaho paśviačali, ale i dla taho, chto paśviačaŭ. Arcybiskup Hudžeroci pryznaŭsia, što ŭdzialaje śviatarskija paśviačeńni ŭpieršyniu ŭ žyćci.
«Boh, Jaki raspačaŭ u vas dobruju spravu, niachaj Sam jaje zavieršyć», — pavodle abradu paśviačeńnia kaža arcybiskup budučym śviataram. Dyjakany Valeryj Marcinoŭski, Anton Łahunionak, Viačasłaŭ Adamovič i sieminaryst Ivan Karotkin kładucca kryžam pierad ałtarom, a ŭsie vierniki molacca Litanijaj da Usich Śviatych.
Narešcie, novyja śviatary atrymlivajuć stuły i arnaty — pradmiety liturhičnaha adzieńnia, jakija simvalizujuć śviatarskuju ŭładu i słužeńnie.Arcybiskup Hudžeroci namazvaje ich ruki alejem dy padaje liturhičnyja chleb i vino. Z uśmieškaj vitaje novapreźbiteraŭ. Praz chvilinu jany stanuć kala ałtara, kab słužyć pieršuju ŭ žyćci Imšu.
Paśla Imšy biskupy skiroŭvajuć słovy da viernikaŭ. Kardynał Teador Makaryk, mitrapalit Vašynhtona, pramoviŭ
Źbihnieŭ Stankievič, ryžski arcybiskup,— «chto žyvie na harbacie z sucharami, chto źjechaŭ pracavać za miažu». Zaklikaŭ biełarusaŭ nie paŭtarać takich pamyłak, «bo skvapnaść hubić ludziej».pa-rasiejsku źviarnuŭsia da viernikaŭ z ekanamičnymi paradami. Raspavioŭ, što mnohija žychary Łatvii ŭziali vialikija kredyty ŭ bankach, a paśla kryzisu i źmianšeńnia zarobkaŭ ź ciažkaściu raźličvajucca
«Ź minułych dziesiacihodździaŭ u nas jość hłybokaja rana — nierazumieńnie ŭłasnaj kaštoŭnaści pierad Boham», —kaža arcybiskup Stankievič.
Kirył Klimovič, były hłybocki probašč, a ciapier biskup samaj vialikaj u śviecie dyjacezii ŭ Irkucku, pryvitaŭ viernikaŭpa-biełarusku .
Paśla jaho da ambony padyjšoŭ viciebski biskup Uładzisłaŭ Blin. «Viedaju, što hałodnyja. Tamu koratka». Zaprasiŭ na stahodździe kaścioła ŭ Ikaźni i dadaŭ: «Lublu vas usich. Hatovy addać žyćcio za toje, kab kožny z vas dajšoŭ da Nieba». I ŭśmichnuŭsia.
Arcybiskup Kłaŭdyjo Hudžeroci naprykancy Imšy skazaŭ viernikam: «Mnie jaki, žyŭ spakojna jak chrysicijanin i nie viedaŭ pieraśledu, Vy — prykład. Dziakuju starejšamu pakaleńniu za toje, što ŭtrymali vieru». Udzialiŭ viernikam dabrasłavieńnie i na hetym fest skončyŭsia. Na hadzińniku było 14.15 — Imša doŭžyłasia try hadziny.
