Siońnia, kala 7 hadzin ranicy, na skryžavańni vuł. Prytyckaha i vuł. Łabanka ŭ Minsku zarehistravana DTZ z udziełam BMW X5. Hety aŭtamabil vyjechaŭ za miežy prajeznaj častki i apynuŭsia na hazonie, dzie ŭrezaŭsia ŭ trubu vientylacyjnaj šachty.
«U mašynie znachodzilisia małady čałaviek i dziaŭčyna. Aboje admaŭlajuć, što kiravali aŭtamabilem », --paviedamili supracoŭniki DAI Frunzienskaha rajona.
- Da avaryi mašyna ruchałasia pa vuł. Prytyckaha (z boku vuł. Laščynskaha), - udakładnili inśpiektary, što vyjazdžali na miesca zdareńnia. - Na skryžavańni z vuł. Łabanka kiroŭca pry vykanańni levaha pavarotu nie spraviŭsia z kiravańniem i vyjechaŭ za miežy prajeznaj častki.
Adnym ź pieršych na miescy zdareńnia apynuŭsia supracoŭnik milicyi, jaki viartaŭsia z načnoj źmieny.
- Pa papiarednich dadzienych, paśla DTZ za rulom znachodziŭsia chłopiec (1988 h. n.), ułaśnik aŭtamabila. Adnak jon admaŭlaje, što kiravaŭ mašynaj, -- raspaviali ŭ DAI Frunzienskaha rajona. -- Jaho pasažyrka śćviardžaje toje ž samaje. Tym nie mienš,
maładoha čałavieka pryvieźli na miedycynski ahlad, dzie vyśvietliłasia, što ŭ jaho na pierapynienym udychu 1,95 pramile ałkaholu.Viadziecca raźbiralnictva.
