Niadaŭna «vystralili» niekalki hučnych spravaŭ. Akazvajecca, u niedalokim minułym byli absalutna anałahičnyja złačynstvy. Prabieły ŭ zakanadaŭstvie ci drennaja aŭra kabinietaŭ?
U kastryčniku 2011-ha ŭ pracoŭnym kabiniecie zatrymali načalnika sakrataryjata savieta respubliki nacyjanalnaha schodu Hleba Biadryckaha. Na jaho zaviali kryminalnuju spravu, abvinavaciŭšy ŭ kradziažy šlacham złoŭžyvańnia słužbovymi paŭnamoctvami. Viadoma, što Biadrycki źviartaŭsia da Alaksandra Łukašenki z chadajnictvam ab vyzvaleńni ad kryminalnaj adkaznaści.
Ale jano nie było zadavolena. I ŭ žniŭni spravu pieradali ŭ sud.
Nie vyklučana, što praces nad Biadryckim budzie zakrytym, jakim jon byŭ, kali sudzili Uładzimira Chołada. Były pieršy namieśnik hałoŭnaha ideałahičnaha ŭpraŭleńnia Administracyi prezidenta ŭ 2007-m za machlarstva, padbuchtorvańnie da dačy chabaru atrymaŭ 8 hadoŭ kałonii z kanfiskacyjaj majomaści.
Navat škodu nanosiać roŭnuju
Niadaŭna čarhovy raz praciahnuli termin rasśledavańnia kryminalnaj spravy suprać eks-staršyni nahladnaj rady «Technabanka» Uładzisłava Kacarenki. Spravu zaviali pa artykule «dapamoha ŭ ździajśnieńni złačynstvaŭ» i «ŭchileńnie ad vypłaty padatkaŭ». Jon abvinavačvajecca ŭ tym, što pry dapamozie padkantrolnych iłžepradprymalnickich struktur, zarehistravanych u Biełarusi i Rasii, jakija majuć rachunki ŭ prybałtyjskich bankach, akazvaŭ sadziejańnie va ŭchileńni ad vypłaty padatkaŭ, dajučy rekvizity, padroblenyja dakumienty. Škoda, naniesienaja dziaržavie, aceńvajecca bolš jak u 7 miljardaŭ rubloŭ.
Roŭna ŭ takuju ž sumu aceńvali škodu, naniesienuju dziejnaściu Ihara Krapčuka. Eks-dyrektara «Emir Motars» (impart aŭtamabilaŭ «Tajota») aryštavali ŭ lipieni 2007-ha. Jaho abvinavačvali va ŭchileńni ad vypłaty mytnych płaciažoŭ. A taksama ŭ złoŭžyvańni słužbovymi paŭnamoctvami. Pakul doŭžyłasia rasśledavańnie, rodnyja sabrali 7 miljardaŭ rubloŭ dla vypłaty naniesienaj škody. I tady asudzili Krapčuka na 5 hadoŭ kałonii biez kanfiskacyi. Ale ŭ 2009-m jon atrymaŭ pa inšaj spravie — dača chabaru i machlarstva — 6 hadoŭ kałonii z kanfiskacyjaj majomaści. Paśla taho jak jon adbyŭ pałovu terminu za kratami, novy sud adpraviŭ jaho na «chimiju».
Skraści hrech nie skraści
Niavypłata padatkaŭ — sprava častaja.Sioleta na adnym sa smarhonskich zavodaŭ vyjaŭleny fakt niedapłaty na sumu 817 miljonaŭ rubloŭ. Kiraŭnik pradryjemstva pierapłaŭlaŭ mietałałom, a atrymanyja źlitki pradavaŭ u stalicu. Zakuplaŭ mietałałom z ruk za najaŭnyja, a ŭ dakumientach afarmlaŭ jak zakup ad iłžestruktur dy pa zavyšanych cenach. Rasśledavańnie
jašče nie skončana.
Tut pryhadvajecca sprava Valancina Dandorfa, zasnavalnika asacyjacyi švačnych pradpryjemstvaŭ «Dzijoma» ŭ Breście. Zatrymany KDB u červieni 2009-ha. Abvinavačvaŭsia va ŭchileńni ad vypłaty padatkaŭ na sumu 600 młn rubloŭ. Naniesienuju škodu kampiensavaŭ da prysudu. U listapadzie 2011-ha jaho asudzili na 2,5 hoda turmy z kanfiskacyjaj majomaści.
Pad prycełam finansavaja milicyja
Letam u Minsku zatrymali staršaha inśpiektara Departamienta finansavych rasśledavańniaŭ Kamiteta dziaržkantrolu.Pa źviestkach KDB, pałkoŭnik niekalki hadoŭ atrymlivaŭ ad biznesoŭcaŭ stalicy hrošy za vyrašeńnie peŭnych prablemaŭ, źviazanych z pravierkami. Na hetyja hrošy pałkoŭnik pabudavaŭ dvuchpakajovuju kvateru. Jon dobra kanśpiravaŭsia, ale ŭrešcie jaho zatrymali pry atrymańni chabaru 2,5 tysiačy dalaraŭ. Akramia hetaha, zatrymany svaim kaleham zdavaŭ słužbovuju kvateru, a atrymanyja hrošy nie dekłaravaŭ.
U źviazku z hetaj možna razhladać spravu Hienadzia Haponienki, byłoha načalnika śledčaha ŭpraŭleńnia DFR KDK. U 2009-m jon byŭ pryznany vinavatym u złoŭžyvańni ŭładaj albo słužbovymi paŭnamoctvami. Nibyta paspryjaŭ spynieńniu kryminalnaj spravy suprać znajomaha biznesoŭca. Asudžany na 5 hadoŭ pazbaŭleńnia svabody z kanfiskacyjaj majomaści. Zatym pa amnistyi jamu hod skinuli, a pa kasacyjnaj skarzie admianili kanfiskacyju. Abvinavačvaŭsia taksama ŭ machlarstvie i atrymańni chabaru. Ale pa hetych epizodach byŭ apraŭdany.
Palacieli aficerskija pahony
Da kastryčnika praciahnuli termin rasśledavańnia kryminalnaj spravy i suprać Jaŭhiena Południa. Na momant aryštu ŭ śniežni 2011-ha jon byŭ namieśnikam ministra ŭnutranych spraŭ. Jaho abvinavačvajuć u złoŭžyvańni i pieravyšeńni ŭłady albo słužbovych paŭnamoctvaŭ. Śledstva ličyć, što Połudzień sistematyčna atrymlivaŭ ad słužbovych asob orhanaŭ unutranych spraŭ materyjalnyja kaštoŭnaści i hrošy.
Mienš vysokuju pasadu ŭ MUS zajmaŭ Mikałaj Kudziełka. Jon byŭ namieśnikam načalnika kamiteta pa baraćbie z arhanizavanaj złačynnaściu i karupcyjaj. U mai 2009-ha asudžany na 9 hadoŭ pazbaŭleńnia voli z kanfiskacyjaj majomaści. Sud pryznaŭ Kudziełku vinavatym u atrymańni chabaru na sumu bolš za 800 tysiač dalaraŭ (razam ź im pa hetaj spravie prachodziŭ Ihar Krapčuk), złoŭžyvańni słužbovymi paŭnamoctvami, niezakonnym nabyćci bojeprypasaŭ. Kryminalnuju spravu suprać jaho zaviali tolki ŭ 2007-m, paśla taho jak jon vyjšaŭ na piensiju.
