Biełaruś hatova staranna vučycca ŭsiamu novamu i pieradavomu, ale biez panukvańniaŭ, pahrozaŭ i šantažu. Ab hetym zajaviŭ Alaksandr Łukašenka 22 žniŭnia, pradstaŭlajučy na pasadzie novaha ministra zamiežnych spraŭ Uładzimira Makieja.
«Pryčyny, pa jakich usie našy namahańni na zachodnim napramku tarmoziacca, zrazumiełyja. Tym bolš ludziam, jakija siadziać u hetym zale», — skazaŭ Łukašenka.
«My ni ŭ jakaj miery nie kažam, što ŭsio ŭ nas idealna i vydatna, jak i ŭ ich, darečy. My hatovyja staranna vučycca ŭsiamu novamu i pieradavomu, i nie tolki ŭ ich, ale my chočam rabić heta biez panukvańniaŭ, pahroz i šantažu «, — adznačyŭ jon.
«Psichałohija našaha naroda takaja, što nielha prymusić jaho pieraskočyć praź niekalki etapaŭ raźvićcia i apynucca „ŭ ščaślivaj demakratyčnaj budučyni“. Łohika raźvićcia ŭsich dziaržaŭ śvietu śviedčyć ab nieabchodnaści spakojnaha, evalucyjnaha, pastupalnaha raźvićcia», — padkreśliŭ Łukašenka.
