Šturchalnica jadra ź Biełarusi Nadzieja Astapčuk, jakuju pazbavili załatoha alimpijskaha miedala z-za stanoŭčaha vyniku dopinh-testu, pakul nie atrymała pryzavyja 150 tysiač dalaraŭ, chacia Łukašenka ŭznaharodziŭ jaje ordenam Ajčyny III stupieni.
Jak raspavioŭ namieśnik staršyni dyrektarata nacyjanalnych kamand ministerstva sportu Dźmitryj Daŭhalonak, pryzavyja jašče nikomu nie vypłačvali.Jon adznačyŭ, što adnosna Astapčuk pačataja pracedura viartańnia miedala, ale jana jašče nia skončyłasia.
«Kali miedal zastaniecca ŭ spartoŭca, to, kaniečnie ž, spartoŭcu budzie vypłačana toje, što naležyć. Kali miedala ŭ spartoŭca nie budzie, to vypłačvacca nie budzie».
U Biełaruskaj fiederacyi lohkaj atletyki paviedamili, što Nadzieja Astapčuk u stresavaj situacyi, pamianiała telefony i nie daje interviju. Tam skazali, što aficyjnyja kamientary buduć tolki paśla zaviaršeńnia rasśledavańnia.
Padčas sustrečy z pryziorami XXX letnich Alimpijskich hulniaŭ Alaksanda Łukašenka vykazaŭ słovy padtrymki Nadziei Astapčuk: «Nadzia, žyćcio nie zakančvajecca! I ty jašče nie adnojčy maješ mahčymaść ucierci kamuści nos. Vialikim zaŭsiody dastajecca», — skazaŭ Łukašenka.
13 žniŭnia Mižnarodny alimpijski kamitet na svaim sajcie raźmiaściŭ infarmacyju, što Nadzieja Astapčuk, jakaja vyjhrała zołata ŭ Łondanie ŭ šturchańni jadra, dyskvalifikavana za ŭžyvańnie dopinhu. U dopinh-probie biełaruski byŭ znojdzieny preparat mietienałon, jaki ŭvachodzić u pieralik zabaronienych da ŭžyvańnia.
