Siryjskaja apazicyja abvinavačvaje ŭradavyja vojski ŭ arhanizacyi bojni ŭ nievialikim horadzie Darajia, nasielenym ŭ asnoŭnym sunitami.
Pa słovach jaje pradstaŭnikoŭ, praź dzień paśla jaho ŭziaćcia armijaj u damach i padvałach byli znojdzienyja dziasiatki ciełaŭ zabitych.
Siryjski Naziralny centr pa pravach čałavieka, jaki bazujecca ŭ Łondanie, sa spasyłkaj na miascovyja krynicy kaža ab prykładna dźviuch sotniach zahinułych.
Pa ŭsioj Siryi za apošnija sutki, pa dadzienych centra, byli zabityja 370 čałaviek.
Inšaja apazicyjnaja arhanizacyja, Kaardynacyjny kamitet, zajaŭlaje pra 440 zabitych za dzień, u tym liku ab 310 u Damasku i jaho navakolli, uklučajučy Darajiu, i pra 40 u Alepa.
Žychar Daraji, jaki pradstaviŭsia vydumanym imiem, zajaviŭ pa telefonie ahienctvu Rojterz, što nie bolš za dvaccać zahinułych stali achviarami snajpierskaha ahniu, a astatnija byli zastreleny ź blizkaj adlehłaści ŭ hrudzi abo ŭ hałavu.
Pavodle jaho słoŭ, uradavyja sałdaty chadzili pa chatach i zabivali maładych mužčyn, jakija padavalisia im padazronymi.
