Sapraŭdnaja apazicyja budzie nie bajkatavać vybary, a zmahacca da kanca. Takoje mierkavańnie vykazaŭ Alaksandr Łukašenka, kamientujučy 1 vieraśnia žurnalistam u Minsku chod parłamienckaj vybarčaj kampanii.
«Toje, što apazicyja moža karystacca pijaram, — heta ŭ palitycy narmalna.Ale kali ty niejak pazicyjanuješ siabie, prapanoŭvaješ za ciabie hałasavać, pakazvaješ tavar tvaram, pakazvaješ siabie narodu, to treba iści da kanca. Kali b heta była sapraŭdnaja apazicyja, jana b zmahałasia da kanca. Kali ty prosta laskaš jazykom, značyć, ty vykonvaješ čyjści zakaz abo chočaš pakrasavacca niejki čas pieried ludźmi».
«Tamu ja časta kažu: heta nie apazicyja. Apazicyja budzie zmahacca, zmahacca za ŭładu, za intaresy narodaŭ abo jašče za štości.Heta piataja kałona, jany dziejničajuć u intaresach peŭnych sił, jakija časam znachodziacca za miežami našaj krainy. Apazicyja budzie zmahacca, piataja kałona — destabilizoŭvać abstanoŭku, u tym liku i takimi mietadami», — zajaviŭ Łukašenka, majučy na ŭvazie zakliki pradstaŭnikoŭ apazicyi da bajkotu vybaraŭ.
Na jaho dumku, kali čałaviek pieršapačatkova nie vieryć u svaju pieramohu na vybarach, jon nie pavinien vyłučacca kandydatam. «My ž nikoha nie prymušajem», — zaŭvažyŭ Łukašenka.
«Tamu niama tut nijakaj apazicyjnaści, — reziumavaŭ aficyjny lidar dziejańni apazicyi. — Jość rabota — absurdnaja, kab pierakulić u hetym vypadku hety praces, a kali pašancić, to i krainu. Ale ja časta kažu: hetaha nie budzie, nie atrymajecca».
«Mnie siońnia nie da tak zvanaj apazicyi, nie da vialikaj uciahnutaści ŭ pieradvybarnuju kampaniju. Jość ludzi, jakija hetym paśpiachova zajmajucca. U mianie jość bolš važnyja pytańni, jakija siońnia pavinien vyrašyć. Kali jany buduć vyrašanyja, tady i naša apazicyja budzie takaja, jakaja jana jość», — padkreśliŭ Łukašenka.Pry hetym Łukašenka zajaviŭ, što ŭ hety čas «vielmi daloki» ad pieradvybarnaj kampanii.
Nahadajem, 30 žniŭnia staršynia Centrvybarkama Lidzija Jarmošyna zajaviła, što kandydaty ŭ deputaty padčas pieradvybarnych debataŭ nie mohuć ahitavać za bajkot vybaraŭ. «Kandydaty buduć papiaredžvacca zahadzia. Kali jany nie zrazumiejuć hetaha, to mohuć padstavić inšych pretendentaŭ, bo debaty mohuć być sarvanyja», — skazała Jarmošyna žurnalistam.
Pavodle jaje słoŭ, u cełym kandydaty mohuć ahitavać za bajkot, ale nie pavinny rabić heta ŭ efiry telebačańnia i radyjo, jaki dziaržava im daje biaspłatna.
