U Biełarusi moža być źmienieny pradmietny šerah centralizavanaha testavańnia. Jak paviedamiła BiełaPAN
Jość prapanovy, naprykład, abjadnać historyju i hramadaznaŭstva, mahčyma, ubrać niekatoryja pradmiety, nie zapatrabavanyja dla pastupleńnia ŭ VNU i SSNU.
«Praduhledžvajecca jašče bolš nablizić pradmietny rad CT da patrabavańniaŭ vyšejšaj i siaredniaj śpiecyjalnaj adukacyi», — zaznačyła Vanina.
Pavodle jaje słoŭ, prapanovy pa źmianieńni pradmietnaha radu CT buduć abmiarkoŭvacca na ŭzroŭni śpiecyjalistaŭ — rektaraŭ VNU, nastaŭnikaŭ i mietadystaŭ, a taksama hramadskaści.
Chutčej za ŭsio, novaŭviadzieńnie budzie ŭniesiena ŭ prajekt novych praviłaŭ pryjomu ŭ VNU, jaki da listapada pavinien być pradstaŭleny na razhlad prezidenta.
Nahadajem, u adpaviednaści z prajektam novych praviłaŭ pryjomu ŭ VNU ŭ Biełarusi płanujecca admianić bolšaść ilhotaŭ pry pastupleńni. Prapanoŭvajecca admianić raździelny konkurs dla vypusknikoŭ sielskich i haradskich ustanoŭ adukacyi. Lhotu pa zaličeńni biez ustupnych ispytaŭ abituryjentaŭ, jakija zavajavali pryzavyja miescy na mižnarodnych i respublikanskich alimpijadach, inšych spabornictvach, prapanoŭvajecca zachavać dla tych, chto pastupaje na profilnyja śpiecyjalnaści. Płanujecca ŭvieści normu, zhodna ź jakoj na zavočnuju formu navučańnia ŭ VNU zmohuć pastupać tolki pracaŭładkavanyja hramadzianie.