1 vieraśnia ŭ ahraharadku Piaršai Vałožynskaha rajona adbyłosia hramadskaje abmierkavańnie spravazdačy ab acency ŭździejańnia na navakolnaje asiarodździe śvinakompleksu na 110.000 hałoŭ — samaha bujnoha ŭ Biełarusi, jaki budujecca.
Na abmierkavańnie pryjšli pradstaŭniki miascovaj ułady, zamoŭca prajekta — STAA «Danprad», prajektnaha instytuta «Brestbudprajekt», TAANPF «Ekałohija» i miascovyja žychary — čatyry čałavieki.
«U prajekcie prymienienyja najbolš sučasnyja aprabavanyja ŭ Biełarusi rašeńni. Abstalavańnie płanujecca impartnaje. Pryvatnaja asoba ŭkładvaje svaje srodki — i maje prava zakuplać luboje abstalavańnie. Praca budzie iści ŭ aŭtamatyčnym režymie», — skazaŭ načalnik adździeła kompleksnaha budaŭnictva instytuta «Brestbudprajekt» Siarhiej Dziernin.
Pretenzii miascovych žycharoŭ — uvachodžańnie ŭ kiłamietrovuju sanitarnuju zonu 11 žyłych damoŭ, jakija padlahajuć adsialeńniu, i mahčymaje zabrudžvańnie miascovych hruntovych vod, rek i azior adchodami ad śvinakompleksu — abiacali ŭličyć u kančatkovaj viersii prajekta śvinafiermy.
