Ministr zamiežnych spraŭ Šviecyi Karł Bilt śćviardžaje, što ŭrad jaho krainy nie maje ničoha ahulnaha z «plušavym desantam», jaki ažyćciavili pradstaŭniki šviedskaha rekłamnaha ahienctva Studio Total (vykinuŭšy nad Minskam i Iviancom 4 lipienia z samalota plušavych mišak z zaklikam da svabody słova).
«My z hetym ničoha ahulnaha nie majem — nie dazvalali i nie zabaraniali.Jak ja razumieju, u suviazi z hetym viadziecca niezaležnaje jurydyčnaje rasśledavańnie, ja pakidaju hetuju spravu pravaachoŭnikam — heta šlach, pa jakim iduć našy krainy», — skazaŭ na pres -kanfierencyi Bilt.
Spačatku Minabarony Biełarusi admaŭlała «incydent ź plušavymi miškami», adnak byli aryštavanyja fatohraf Anton Surapin, jaki pieršy źmiaściŭ fota plušavych miadźviedzikaŭ, a taksama ryełtar Siarhiej Bašarymaŭ, jaki zdaŭ kvateru šviedam.
Dypłamatyčny kanflikt pamiž Minskam i Stakholmam razhareŭsia paśla taho, jak 1 žniŭnia biełaruskija ŭłady infarmavali Šviecyju ab niepradaŭžeńni akredytacyi pasłu Stefanu Eryksanu.Dypłamata abvinavacili ŭ destruktyŭnaj dziejnaści. U adkaz na heta šviedskija ŭłady zajavili, što nie prymuć novaha pasła Biełarusi, i rekamiendavali dvum supracoŭnikam biełaruskaha pasolstva pakinuć Stakholm.
8 žniŭnia MZS Biełarusi abviaściła ab adklikańni ŭsich supracoŭnikaŭ biełaruskaha pasolstva ŭ Stakholmie. 20 žniŭnia pasolstvy prypynili pracu.
0
0
0
0
0
0
