Sidorskamu prysvojena zvańnie «Hanarovy hramadzianin Homiela»

Siabru kalehii pa pramysłovaści i APK Jeŭrazijskaj ekanamičnaj kamisii Siarhieju Sidorskamu siońnia prysvojena zvańnie «Hanarovy hramadzianin Homiela».

Rašeńnie było pryniata na 17-j siesii Homielskaha haradskoha Savieta deputataŭ. Hanarovaje zvańnie Siarhieju Sidorskamu prysvojena za vialiki asabisty ŭkład u zachavańnie i raźvićcio ekanamičnaha patencyjału Homiela.

***

Siarhiej Sidorski naradziŭsia ŭ Homieli 13 sakavika 1954 h., tut ža pravioŭ značnuju častku svajho žyćcia. Paśla zakančeńnia Biełaruskaha instytuta inžynieraŭ čyhunačnaha transpartu (1976) prajšoŭ šlach ad majstra da kiraŭnika Homielskaha zavoda radyjotechnałahičnaha abstalavańnia, zatym uznačalvaŭ homielskaje navukova-vytvorčaje abjadnańnie «Raton» (1992–1998). Pracavaŭ namieśnikam, pieršym namieśnikam staršyni Homielskaha abłvykankama (1998–2001).

Byŭ namieśnikam prem'jer-ministra (2001–2003), prem'jer-ministram Biełarusi (śniežań 2003 — śniežań 2010).

13 śniežnia 2011 h. pryznačany členam kalehii pa pramysłovaści i APK Jeŭrazijskaj ekanamičnaj kamisii.

0

0

0

0

0

0

BiełTA

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH