Prezident Rasii Uładzimir Pucin u najbližejšyja dni moža zazirnuć na paŭvostraŭ Jamał, dzie pasprabuje siabie ŭ niezvyčajnaj roli — važaka čarady vyhadavanych u niavoli sterchaŭ — redkaha vidu žuraŭloŭ, zaniesienych u Čyrvonuju knihu.
Pavodle rasijskich ŚMI, ź siaredziny žniŭnia žuraŭli ŭ supravadžeńni deltapłanierystaŭ lotajuć u rajonie pasiołka Kušavat, a ŭ siaredzinie vieraśnia ich pad kiraŭnictvam piłota płanujuć adpravić u pieralot na zimoŭku ŭ Siaredniuju Aziju pa maršrucie, raźličanym navukoŭcami.
Deltapłanieryst biare na siabie rolu lidara čarady, jaki pakazvaje kirunak palotu.
Pra toje, što Pucin moža prylacieć u Kušavat i pryniać udzieł u palocie, raspavioŭ Jury Markin — dyrektar raźmieščanaha ŭ Razanskaj vobłaści Okskaha dziaržaŭnaha pryrodnaha bijaśfiernaha zapaviednika, dzie vyroščvajuć sterchaŭ. A zahadčyca hadavalnika Taćciana Kašancava patłumačyła, što heta «šoŭ» zaklikana pryciahnuć uvahu da zachavańnia redkich vidaŭ ptušak.
Pres-sakratar Pucina Dźmitryj Piaskoŭ paćvierdziŭ, što prezident vučyŭsia lotać na deltapłanie, a taksama čutki, što jon naviedaje Jamał.
hałoŭnaja redaktarka rasijskaha papularnaha časopisa «Vokruh śvieta» Maša Hiesen była adpraŭlena ŭ adstaŭku paśla taho, jak admoviłasia pasyłać karespandenta na «šoŭ: Pucin — žuraŭli».
Jana sarkastyčna zaŭvažyła, što «ekśpiedycyi z udziełam Pucina majuć svaju śpiecyfiku — dastatkova zhadać ratavańnie tyhraŭ abo pošuki amfar. Moža stacca, što drevy pryviazanyja da piańkoŭ. I prafiesijny abaviazak abaviaža karespandenta pra heta pisać».
