Uzrovień piśmiennaści darosłaha nasielnictva ŭ Biełarusi składaje 99,6%. Takija źviestki apublikavaŭ Biełstat napiaredadni Mižnarodnaha dnia piśmiennaści, jaki adznačajuć 8 vieraśnia.
Pavodle aznačeńnia ekśpiertaŭ,
piśmiennaść — stupień vałodańnia čałaviekam navykami piśma i čytańnia na rodnaj movie. Tradycyjna ž piśmiennym nazvali čałavieka, jaki ŭmieŭ pisać i čytać abo tolki čytać najakoj-niebudź movie.
Pavodle źviestak pierapisu nasielnictva Biełarusi 2009 hoda, u liku niepiśmiennych, a heta 30 tys. čałaviek, — sastarełyja, a taksama asoby ź ciažkimi fizičnymi i razumovymi niedachopami.
«Piśmiennaść pačynajecca z pačatkovaj adukacyi. U Biełarusi zabiaśpiečany poŭny achop dziaciej pačatkovaj i ahulnaj bazavaj adukacyjaj. Pačatkovaja i siaredniaja adukacyja ŭ krainie
U krainie 90% nasielnictva majuć vyšejšuju, siaredniuju ci bazavuju adukacyju. Siarod sielskaha nasielnictva majuć vyšejšuju, siaredniuju i bazavuju adukacyju 82%.
Za apošnija 10 hadoŭ siarod moładzi (16–30 hadoŭ) udzielnaja vaha asob z vyšejšym uzroŭniem adukacyi vyrasła na 7%, ci na 153 tys. čałaviek.
Na 1.000 mužčyn (15 hadoŭ i bolš) prypadaje 176 mužčyn z vyšejšaj adukacyjaj, na 1.000 žančyn — 199.
Pavialičvajecca kolkaść i dola maładych ludziej, jakija svabodna vałodajuć zamiežnymi movami. U ahulnaj kolkaści nasielnictva, jakoje svabodna vałodaje anhlijskaj movaj, maładyja ludzi składajuć 64%, svabodna vałodaje niamieckaj movaj — 40%.
Raschody dziaržavy na adukacyju ŭ 2011 hodzie skłali 13,7 trłn. rubloŭ, abo 17,3% ad usich raschodaŭ kansalidavanaha biudžetu. Dola raschodaŭ na adukacyju da vałavoha ŭnutranaha praduktu skłała ŭ Biełarusi 5%, u Rasii — 4,1%, u Kazachstanie — 3,6%.
